Малата сирена () — книжевна бајка напишана од данскиот писател Ханс Кристијан Андерсен. Првично објавена во 1837 г. како дел од збирката „Бајки раскажани за деца“, приказната го следи патувањето на една млада принцеза сирена што е подготвена да се откаже од својот живот во морето за да добие човечка душа и љубовта на еден принц.Mary Pitcairn, unpublished unique manuscript, retrieved 02/12/2023 from Abebooks.co.uk
Изворната приказна била предмет на повеќекратни анализи од страна на научници како Јакоб Бегилд и Пернил Хегард, како и фолклористката Марија Татар. Овие анализи опфаќаат различни аспекти — од толкување на симболизмот до расправии за одлуката на Андерсен да напише трагична приказна со духовен завршеток. Делото е адаптирано во бројни медиуми, вклучувајќи музички театар, аниме, балет, опера и игран филм. Во нејзина чест, во пристаништето во Копенхаген е поставена познатата статуа на малата сирена, која станала симбол на градот и на цела Данска.
Издавање Малата сирена е напишана од Ханс Кристијан Андерсен во 1836 г., а за првпат била објавена од издавачот Ц.А. Рајцел во Копенхаген на 7 април 1837 г. во збирката „Бајки раскажани за деца. Прва збирка“, која содржела девет бајки од Андерсен.
Приказната била повторно објавена на 18 декември 1849 г. како дел од „Бајки. 1850“, а потоа и на 15 декември 1862 г. во првиот том на „Бајки и приказни“.
Наводи
Надворешни врски
The Little Mermaid Gallery See photos of The Little Mermaid "The Little Mermaid", Jean Hersholt's English translation Den lille Havfrue, original Danish text from the Danish Royal Library Den lille havfrue, original manuscript (Odense City Museum) Surlalune: Annotated "The Little Mermaid", Paull's translation, with annotations, scans from six illustrated editions, and bibliography The Real Haunting Tale of the Little Mermaid, an abridged faithful narration by Sapphire Sandalo. The Little Mermaid Full Story, a more faithful animated narration by Little Fox.
Категорија:Сказни