Asplenium onopteris, е вид папрат кој најчесто се среќава низ целиот Медитерански басен, но и околу Европскиот дел кој излегува на Атлантскиот Океан.

Опис Тешко е да се идентификува во споредба со Asplenium adiantum-nigrum. Главната разлика е во тоа што A. onopteris е диплоиден и е еден од двата родители на тетраплоидот A. adiantum-nigrum (другиот е диплоидот A.cuneifolium). Под микроскоп, најдоследната забележлива разлика помеѓу A. onopteris и А. adiantum-nigrum е тоа што спорите на А. onopteris имаат просечен дијаметар од 28 μm и речиси сите се помали од 31 μm, додека оние на A. adiantum-nigrum имаат просечен дијаметар од 34 μm и речиси сите се поголеми од 31 μm. Листовите на типичниот A. onopteris се потесни во однос на нивната должина од оние на типичните A. adiantum-nigrum, но ова не е сигурно средство за идентификација.

Таксономија Карл Линеј бил првиот што го опишал Asplenium onopteris во неговото дело Species Plantarum од 1753 година.

Глобална филогенија на Asplenium објавена во 2020 година го поделила родот на единаесет клади, на кои им биле дадени неформални имиња во исчекување на понатамошно таксономско проучување. A. onopteris припаѓа на „подкладата Onopteris “ од „кладот Pleurosorus“. Кладот Pleurosorus има светска дистрибуција; членовите се генерално мали и се јавуваат на ридовите, честопати засолнувајќи се меѓу карпите во изложени живеалишта. Подкладата Onopteris има гаметофити од типот Aspidium. Нејзин најблизок диплоиден роднина во рамките на поткладата е северноамериканскиот Asplenium montanum.

Распространетост и живеалиште Asplenium onopteris може да се најде во западна и централна Европа, Медитеранскиот басен (вклучувајќи ја Северна Африка) и Макаронезија (со исклучок на Зелен ’Рт). Постојат изолирани наоди на север, дури до Ирска и Полска.

Во Македонија Во Македонија се развива по влажните карпи и покрај корењата на дрвјата во потоплите подрачја. Ова е поретко растение, познато е за планината Беласица, Пелистер, Јабланица, Вевчани, потоа Демиркаписко и Гевгелиско, Валандовско и Скопско.Кирил Мицевски: Флора на СР Македонија, том 1, св. 1, стр. 58, МАНУ, Скопје, 1985

Наводи

Надворешни врски

Категорија:Растителни таксони опишани од Карл Линеј Категорија:Растенија опишани во 1753 година Категорија:Флора на Либан Категорија:Слезенка Категорија:Папрати Категорија:Флора на Македонија