OneRepublic ― американска поп-рок група, основана во Колорадо Спрингс, во 2002 година. Групата се состои од: Рајан Тедер (главен пејач, пијано), Зак Филкинс (главна гитара, виола), Дру Браун (ритам гитара), Брент Кацл (бас, виолончело), Еди Фишер (тапани) и Брајан Вилет (клавијатури, удирачки, виолина).
Одредена популарност групата постигнала преку објавување на композиции на Myspace. Кон крајот на 2002 година, откако OneRepublic одржала неколку концерти во околината на Лос Анџелес, неколку издавачки куќи се заинтересирале за групата и ѝ понудиле договор; групата потпишала договор со Velvet Hammer, подружница на Columbia Records. Нивниот прв албум го снимиле со продуцентот Грег Велс во текот на летото и есента 2005 година. Албумот требало да биде објавен на 6 јуни 2006 година, но Columbia ја прекинала соработката со групата два месеци пред објавувањето на албумот. Водечкиот сингл од тој албум, „Apologize“, бил објавен на 30 април 2006 година на Myspace и подоцна се искачил на прво место на топ-листите на Мајспејс.
Во 2007 година, OneRepublic го издале нивниот прв албум, Dreaming Out Loud. Водечкиот сингл од албумот, „Apologize“, бил ремиксиран од Тимбаленд и станал огромен светски хит; се искачил на прво место на топ-листите во шеснаесет земји и подоцна групата била номинирана за Греми награда. Подеднакво успешен бил и вториот сингл од албумот, „Stop and Stare“. Од вториот албум на групата, Waking Up (2009), биле издадени сингловите: „All the Right Moves“, „Secrets“, „Marchin On“ и „Good Life“.
Третиот албум на OneRepublic, Native (2013), станал нивен прв албум кој се пласирал во топ-десет на Билборд 200, заземајќи го четвртото место. Водечкиот сингл, „If I Lose Myself“, се пласирал во топ-десет во неколку земји, а третиот сингл од албумот, „Counting Stars“, станал најуспешен сингл на групата досега и се искачил во топ-пет во: Австралија, Канада., Германија, Ирска, Нов Зеланд, САД и Обединетото Кралство.
На 7 октомври 2016 година, OneRepublic го издале нивниот четврти студиски албум, Oh My My, за кој соработувале со многу музичари, како: Cassius, Питер Гејбриел и Santigold. На албумот му претходеле сингловите: „Wherever I Go“ (објавен на 13 мај 2016 година) и „Kids“ (објавен на 12 август 2016). Овој албум претставува промена на музичкиот стил на групата. Во 2017 година, групата ги издала сингловите: „No Vacancy“, „Truth to Power“, „Stranger Things“ во соработка со Kygo и „Rich Love“ во соработка со Seeb. Нивниот петти студиски албум, Human, бил објавен во 2021 година. Групата вкупно продала околу 16 милиони плочи.
Членови на групата Рајанн Тедр — вокал, гитара, пијано Зак Филкинс — гитара, вокал Еди Фишер — тапани Брент Кацл — бас, чело, вокали Дру Браун — гитара
Дискографија
Студиски албуми Dreaming Out Loud (2007) Waking Up (2009) Native (2013) Oh My My (2016) Human (2021)
Албуми Година Наслов Позиција. aCharts.us. Accessed March 2 2008.U.S. and Canadian Album Chart Positions. All Music Guide. Accessed March 2 2008. Продажба U.S. CAN UK FRA AUT GER AUS WW 2007 Dreaming Out Loud 1st studio album Пуштен: 20 ноември, 2007 8 февруари, 2008 10 март, 2008 14 март 2008 1 април, 2008 Формати: CD, digital download1472911571210<small> Светска продажба: 1 милион U.S. продажба: 504,832 RIAA certification: Златна CRIA certification: Златна
Синглови Сите песни се официјално пуштени како синглови на U.S. Billboard Hot 100 (U.S.), the Pop 100 (U.S. Pop), Канада (CAN), Велика Британија (UK), Европа (EU), Белгија (BEL), Ирска (IRE), Финска (FIN), Холандија (NL), Германија (GER), Австрија (AUT), Франција (FRA), Норвешка (NOR), Израел (ISR), Швајцарија (SUI), Австралија (AUS), Нов Зеланд (NZ), Чешка (CZE), Шведска (SWE), Данска (DEN), Италија (ITA), Бугарија (BUL), Бразил (BRA), и United World Chart (WW).
Година Сингл Позиција Албум<small>U.S.<small>U.S.Pop<small>CAN<small>UK<small>EUR<small>BEL<small>IRE<small>FIN<small>NL<small>GER<small>AUT<small>FRA<small>NOR<small>ISR<small>SUI<small>AUS<small>NZ<small>CZE<small>SWE<small>DEN<small>ITA<small>BUL<small>BRA<small>WW 2007 "Apologize (Remix)" (feat. Timbaland) 2 1 1 3 1 2 2 4 1 1 1 7 2 2 1 1 1 2 1 2 1 1 9 1 Dreaming Out Loud 2008 "Stop and Stare" 12 9 19 4 4 - 5 - 18 7 18 - - 28 19 11 16 5 10 - 44 34 68 5
Други песни Овие се песни кои не се пуштени официјално на топ листите од страна на OneRepublic, но биле рангирани и продавани.
Година Сингл Позиција Албум<small>U.S.<small>U.S. Pop<small>CAN 2007 "Say (All I Need)" 108 68 75 Dreaming Out Loud
Музички видеа ГодинаПеснаРежисер2007"Apologize"Aaron Platt"Apologize (Remix)"Timothy "Timbaland" Mosley2008"Stop and Stare"Anthony Mandler Турнеи Сопствени
Tag This Tour (2008–2009) Good Life Tour (2010–2012) Native Tour (2013–2015) 16th Annual Honda Civic Tour (2017) Live in Concert (2022) Never Ending Summer Tour (2022) The Artificial Paradise Tour (2024)
Како поддршка за други музичари
It Won't Be Soon Before Long Tour Palm Trees & Power Lines Tour Down the Rabbit Hole Live The Joshua Tree Tour 2017
Награди и номинации
OneRepublic освоиле неколку помали музички награди, а меѓу другите биле номинирани и за: Американски музички награди, Музички награди од Билборд, Светски музички награди и Греми. Одделно од групата, главниот пејач Рајан Тедер освоил три Греми награди како текстописец на песни за Адел и Тејлор Свифт.
Наводи
Надворешни врски Официјална веб страна Дискографија на OneRepublic Официјален профил на Твитер
Категорија:Американски музички групи Категорија:Американски поп-рок музички групи Категорија:Американски алтернативен рок музички групи Категорија:Музички групи од Колорадо Категорија:Музички групи основани во 2002 Категорија:Музички групи основани во 2002 година