Истрага на местото на злосторството: Њујорк или ЦСИ: Њујорк () е американска полициска телевизиска серија која започна да се емитува на 22 септември 2004 и сѐ уште се снима. Ова е вториот спин-оф од ЦСИ: Лас Вегас, а ликовите за првпат се појавија во епизода на ЦСИ: Мајами.
Во Македонија, серијата се емитува на А1 телевизија.
Синопсис Шеф на тимот во Њујорк е Мек Тејлор. Мек го има главниот збор во тимот и тој секогаш е прв на местото на злосторството. Мек се води по старото венецијанско правило: сѐ е поврзано и ништо не е случајно.
Нему му помагаат Стела Бонасера, главен советник на Мек и специјалист за случаите на психолошка тортура, силување и киднапирање, Дон Флек специјалист за огнено оружје кој и самиот пораснал меѓу криминалците во Њујорк, Дени Месер задолжен за доказите кои тимот ги анализира на лице место, д-р Шелдон Хокс шеф на одделот за аутопсија и Линдзи Монро задолжена за испитување на осомничените.
Од епизода во епизода, тимот се соочува со фактот дека Њујорк полека станува град во кој не е сигурно да се живее. На секој чекор се наоѓаат криминалците, а најголем проблем им се мистериозните убиства во кои нема многу докази.
Мек и неговиот тим и самите ќе станат мета на криминалците, но нивниот најголем адут е лабораторијата, во која е возможно да се направат и реконструкции на човечки лица и тела и да се најдат докази за нивната смрт.
Во постојаната борба за поголема гледаност, продуцентите на серијата направиле извонреден производ кој внесува нова свежина и кој на оригинален начин ја обработува добро познатата тема.
Серијата „Истрага на местото на злосторството:Њујорк“ во Македонија се емитува на МТВ 1 .
Поврзано Истрага на местото на злосторството: Мајами Истрага на местото на злосторството: Лас Вегас
Надворешни врски CBS CSI: NY официјално мрежно место Watching CSI CSI: New York на Јаху ТВ
Цели епизоди
Категорија:Телевизиски серии со почеток во 2004 година Њујорк