thumb|right|250px|Топографијата на Зеландија. thumb|250px|right|Карта на јужниот дел на Зеландија со означени географски поими
Зеландија, исто така позната како Тасмантида) — потопен континент или микроконтинент кој потонал по одвојувањето од Австралија пред 60-85 милиони години и од Антарктик пред 130 и 85 милиони години.
Овој континент комплетно е потопен пред околу 23 милиони години а поголемиот дел од него (93%) останал под Тихиот Океан.
Зиландија има површина од 3.500.000 квадратни километри, и со тоа е поголема од Гренланд или Индија, а речиси е половина од површината на Австралија. Необично е долга и тесна, и се протега од Нова Каледонија на север до подантарктичките острови на Нов Зеланд на југ (латитуда од 19° до 56° југ). Нов Зеланд е најголемиот дел од Зиландија кој се наоѓа над површината на морето.
Најголемите потпоени делови на Зеландија се Лорд Хауовиот Остров, Челинџерската Висорамнина, Кемпеловата Висорамнина, гребенот Норфолк, и островот Четем. Помалите делови ги опфаќаат висорамнината Луизијада, островот Мелиш, Кенската Висорамнина, Честерфилдската Висорамнина и гребенот Дампиер..
На Зеландија ѝ припаѓаат големите крајбрежни рибници, како и најголемото поле на гас во Нов Зеланд, блиску до Таранаки. Дозволата за искористување на нафтата во Големиот Јужен Басен е дадена во 2007 година. Минералните наоѓалишта вклучувајќи ги железниот песок, вулканските сулфиди и фероманганот се настанати подоцна.
Геологија
Зеландија не е како другите континенти, бидејќи го сочинуваат две речиси паралелни гребени, одвоени од пукнатина. Гребените се карпи од континентот, но пониски се во висина од нормалните континенти.
Пред околу 25 милиони години, јужниот дел од Зеландија, кој се наоѓа на Тихоокеанската Плоча, почнал да се придвижува кон северниот дел (кон Индоавстралиската Плоча). Резултатот на ова поместување е видлив на геолошките карти. Ова придвижување исто така го изместило басенот на Нова Каледонија од неговата претходна позиција.
Вулканска активност на Зеландија се случува пред, за време и после одвојувањето од суперконтинентот Гондвана. Иако Зеландија е изместена околу 6000 километри кон северозапад, интерконтиненталната вулканска активност покажува состав на магмата сличен на составот на вулканите од соседните делови на Антарктик и Австралија.
Биогеографија
Нова Каледонија лежи на северниот крај од древниот континент, додека Нов Зеланд се наоѓа на плочата која го пресекува. Фосилизираните шуми кои ги има во Кјурио Беј, се налик на денешните борови од видовите каури и норфолшки бор, а на Зеландија можеле да се видат како растат пред околу 180 милиони години, во време на периодот Јура, пред да се оддели од Гондвана.Fossil forest: Features of Curio Bay/Porpoise Bay Посетено на 2007-11-06 Зеландија нема домородна копнена фауна.Flannery, Tim (1994). The Future Eaters. Grove Press, New York. Pages 42-43.
Наводи
Надворешни врски Зеландија, новозеландскиот (потонат) континент од Te Ara Encyclopedia of New Zealand Крајбрежјето и понатаму
Категорија:Микроконтиненти Категорија:Геологија на Нов Зеланд Категорија:Географија на Океанија