Сиера Леоне (), или официјално Република Сиера Леоне () — држава во Западна Африка. Сиера Леоне се граничи со Гвинеја на североисток, Либерија на југоисток, а на југозапад излегува на Атлантскиот Океан. Сиера Леоне е уставна република, каде на непосредни избори се избира ценстралната и локалната власт. Сиера Леоне има тропска клима со разновидни земјишни облици, од савани до прашуми. Државата има вкупна површина од 71.740 км2 со проценето население од околу 6 милиони (2011).Sierra Leone profile. Bbc.co.uk (8 December 2011). Посетено на 15 August 2012. Главен и најголем град во државата е Фритаун.
Населението на Сиера Леоне е составено од 16 различни етнички групи. Сепак, најголеми и највлијателни етнички групи во државата се Темнејците и Мендејците.Provinces . audiencescapes.org. Посетено на 27 August 2013. Темнејците живеат претежно во северот, а Мендејците во југоистокот на државата.
Службен јазик во Сиера Леоне е англискиот. Англискиот се користи и во училиштата. Сепак, најзборуван е креолскиот јазик крио. Јазикот е мешавина на англискиот и староседелскиоте африкански јазици. Овој јазик е главен меѓуетнички јазик и го зборуваат околу 90% од населението на државата.
Потекло на поимот Името на државата потекнува од времето на првите доселувања на Европејците во областа. Во 1462 година, Португалецот Педро де Синтра на областа околу главниот град Фритаун ја именувал како Serra de Leão (португалски за „лавовска планина“).Kingfisher Geography encyclopedia. ISBN 1-85613-582-9. p. 180 Денешното име на државата е италијанска верзија на името.
Историја
Според археолошките ископувања и истражувања, територијата на денешната држава Сиера Леоне била населена уште пред 2.500 години, главно од различни номадски племиња по потекло од Централна Африка. Постојат и податоци според кои на овие територии во околу 9 век п.н.е. на овие простори бил обработуван металот како суровина. Во 1462 година португалскиот морепловец Педро де Синтра престигнал на бреговите на Сиера Леоне. Многу бргу биле основани поголем број на европски трговски бази односно станици. Во 1787 година од страна на британците бил основан Фритаун. Во текот на XVIII век, територијата била широко реколонизирана со афроамерикански калвинисти од Нова Шкотска, кои учествувале на страна на Велика Британија за време на војната за американската независност. Во 1790-тите се одржале избори, на кои право на глас имале и црнците, како и жените.Sierra Leone’s struggle for progress Во 1808 година земјата станала британска колонија. Својата независност земјата ја добила на 27 април 1961 година. Во 1991 година започнал вооружен конфликт помеѓу владата на Револуционерниот обединет фронт кој пак се борил, со поддршка на Либија, за праведна распределба на приходите добиени од продажбата на дијаманти.
Географија и клима
Сиера Леоне е држава која се наоѓа во Западна Африка. На север и на североисток државата се граничи со Гвинеја, на југ и југоисток со Либерија и на запад излегува на Атлантскиот Океан. Главен град на Сиера Леоне е Фритаун, кој воедно е и најголем град. Втор најголем град е Бо.
Сиера Леоне има вкупна површина од 71.740 км2, од кои 120 киломери квадратни се вода. Државата има 4 различни географски региони. Источниот дел на Сиера Леоне е висорамнина, со присуство на високи планини. Највисока точка е Монт Бинтумани со 1948 метри надморска височина. Сливниот басен на реката Моа ги опфаќа јужните предели на овој регион.
Средишниот дел на земјата е низини, каде има прашуми, но и обработлива земја. Овој предел опфаќа околу 43% територијата на земјата. Северниот дел од овој предел понекогаш се смета за дел од екорегионот Гвинејски шумско-савански мозаик. Во западните делови на Сиера Леоне се наоѓа брегот на државата и тој е долг околу 400 километри. Брегот овозможува трговија на ресурси и потенцијал за туризам. Главниот град се наоѓа на крајбрежјето.
Климата во државата е тропска, каде има два циклусаː дождлива сезона (од мај до ноември) и сува сезона (од декември до мај). За време на сушните периоди има појава на силни ветришта од Сахара и ноќните температури може да достигнат до 16 степени. Просечната температура во земјата е 26 степени целзиусови.
Политички систем
Административна поделба
thumb|right|250px|Покраините во Сиера Леоне. Сиера Леоне е составена од 4 покраини: Северна Покраина, Северозападна Покраина, Јужна Покраина, Источна Покраина и една Западна Област. Првите три се поделени на 12 окрузи, а тие се поделени на 149 поглаварства (chiefdoms). Локалната власт е избрана на директни избори. Западната Област има 13 окружни совети, а тие пак секој по 12 окрузи и 6 општини: Фритаун, Бо, Бонте, Кенема, Коиду и Макени.
+ ОкругСедиштеПовршина(км2)Sierra Leone at GeoHive Население(2015)ПокраинаБоБо5.219575.478ЈужнаБомбалиМакени7.895606.544 СевернаБонтеБонте3.468200.781ЈужнаЗападна ГрадскаФритаун131.055.964ЗападнаЗападна СелскаВатерлу544444.270ЗападнаКајлахунКајлахун3.859526.379ИсточнаКамбијаКамбија3.108345.474СеверозападнаКаренеКамакви285.546СеверозападнаКенемаКенема6.053609.891ИсточнаКојнадугуКабала12.121409.372СевернаКоноКојду5.641506.100ИсточнаМојамбаМојамба6.902318.588ЈужнаПорт ЛокоПорт Локо5.719615.376СеверозападнаПуџехунПуџехун4.105346.461ЈужнаТонколилиМагбурака7.003531.435СевернаФалабаБендугу205.353Северна
Стопанство
Демографија
Според податоци од 2006 година, населението на Сиера Леоне изнесува 6,294,774 луѓе. Во земјата живеат неколку етнички групи, но најголемиот дел од нив се црнци, со околу 90%. Останатите 10% припаѓаат на креолите. Службен јазик во земјата е англискиот.
Религија
Најголема религија во државата е Исламот71% of Sierra Leoneans are Muslims « Oluseguntoday's Blog. Oluseguntoday.wordpress.com (13 October 2009). Посетено на 15 August 2012.Islam In Sierra Leone Information, Videos, Pictures and News. Rtbot.net. Посетено на 15 August 2012.Sama Banya wants Awareness Times to call Tom Nyuma a Buffoon . News.sl (18 April 2012). Посетено на 15 August 2012., а Христијанството е значајна малцинска религија. Според Истражувачкиот центар Пју, околу 71,3% од вкупното население на државата се Муслимани (4,059,000). Според американскиот Стејт Департмент, околу 60% од населението се Муслимани, додека од 20 до 30% од населението се Христијани, и од 5 до 10% се анимисти.
Според „Извештајот за меѓународната верска слобода во Сиера Леоне“ од 2007 од УНХЦР околу 60% се Муслимани, 20 до 30% Христијани и 5 до 10% други религии. Се проценува дека голем број на луѓе ги измешале Исламот и Христијанството со локалните религии. Најголемиот број од Христијаните во Сиера Леоне се Протестанти
Сиера Леоне е една од најтолерантните држави во поглед на верата во Африка и светот. Муслиманите и Христијаните заедно живеат.Samba, Augustine (4 July 2013) “Sierra Leone’s Religious Tolerance is Superb”…Says UN Special Rapporteur: Sierra Leone News . News.sl.United Nations News Centre - Inter-religious cooperation can be vital asset for rebuilding Sierra Leone – UN expert. Un.org (5 July 2013). Посетено на 27 August 2013.Jalloh, Ahmed Ramadan (11 June 2013) Religious tolerance in Sierra Leone – A blessing from God . Newstime Africa. Посетено на 27 August 2013. Така на пример, претседателот на државата е Христијанин. Религиското насилство е многу ретко во државата.Inter-Religious Cooperation to Rebuild Sierra Leone | Scoop News. Scoop.co.nz (8 July 2013). Посетено на 27 August 2013. Државата гарантира верска слобода. Државата е секуларна и нема официјална религија.
Култура
Наводи
Литература Beah, Ishmael. A Long Way Gone: Memoirs of a Boy Soldier (2007). Sarah Crichton Books: New York. Link: A Long Way Gone
Salone, a novel en Terre Krio – historical novel – Laurent Bonnet – Vents d'Ailleurs 2012
Поврзано
Фритаун Западна Африка Христијанство во Сиера Леоне
Надворешни врски
Влада Влада на Република Сиера Леоне Шеф на држава и кабинет Министерство за ресурси
Општо Профил на Сиера Леоне на BBC News
Сиера Леоне на UCB Libraries GovPubs
Медија Awareness Times, весник The New People, весник Вести од Сиера Леоне на AllAfrica.com Вести и блог за Сиера Леоне
Туризам Официјален туристички портал
* Категорија:Држави во Африка Категорија:Држави и територии настанати во 1961 година Категорија:Членки на Комонвелтот