thumb|Дел од глава на една од змиите која денеска се наоѓа во Археолошкиот музеј во Истанбул Змискиот столб (грчки: Τρικάρηνος Όφις, турски: Yılanlı Sütun) - исто така познат ѝ како Серпентински столб или столбот Делфи, е антички бронзен столб кој се наоѓа на Хиподромот во Цариград (познат како Atmeydanı "коњски плоштад" во османлискиот период) во градот Истанбул, Турција.
Историја
На 26 септември 479 п.н.е. грчките сили успеале да ги победат на персиските во Битката кај Платеја. Во чест на оваа победа, грците во храмот на Аполон во Делфи направиле поклон наречен змиски столб. Столбот бил направен од бронзените штитови на персиските војници. Тој бил висок 8 метри и претставува 29 преплетени тела на три змии симболизирајќи го здравјето. Главите на трите змии биле со отворени усти а врз нив се наоѓала златна вазна.
Во 326 година, Константин Велики наредил монументот да биде пренесен во Цариград во хиподромот. Во времето кога крстоносците го зазеле градот во 1204 година, вазната била открадена. Жителите на градот биле убедени дека столбот ги чува од секакви животни како скорпии, кои би можеле да го нарушат здравјето на човекот. Во 1453 година кога градот паднал под османлиска управа, според легендата Мехмед II за да ја покаже својата сила, со својот меч ја отсекол главата на една од змиите. По овој настан градот бил нападнат од илјадници скорпии и змии.
Долги години во османлиско време се сметало дека столбот е многу повисок бидејќи при изградба на џамија нејзината основа останала длабоко под земјата. Останатите две глави се зачувале на монументот до 17 век кога исчезнале. Во XVIII век една од главите била пронајдена и денес се наоѓа во Археолошкиот музеј во ИстанбулIstanbul Governor's official website - The Serpent Column. web page , додека пак втората била пронајдена при археолошки ископувања и денеска се наоѓа во Британскиот музеј.
Врз столбот постојат различни натписи кои всушност се имињата на држави во Стара Грција. Овој столб е еден од најстарите римски и византиски споменици во Истанбул кои се задржиле до денес. Тој е висок 5,3 метри, додека останатиот дел се наоѓа под земјата.
Поврзано Столб на Константин Столб на Маркијан
Наводи
Натамошно читање Volume 4 of the Cambridge Ancient History G.B.Grundy, The Great Persian War [library of US Congress, catalogue card number: 71-84875] Broken Bits of Byzantium (1891), by C. G. Curtis and Mary A. Walker, Part II, as referred to in Broken Bits of Byzantium by J. Freely in, Istanbul 1, Myth to Modernity, Selected Themes, p. 23-24.
Надворешни врски
Encyclopaedia Britannica Online - Ancient Greek Civilization - The Persian Wars Byzantium 1200 | Delphi Tripod computer reconstruction I.M.Varvitsiotis, "The forgotten three-headed snake" "Epigraphic Sources for Early Greek Writing" The Atmeidan, or Hippodrome -- in Constantinople Reconstruction of the tripod of Plataea
Категорија:Цариградски хиподром Категорија:Фатих (Истанбул) Категорија:Споменици-столбови во Истанбул Категорија:Битка кај Платеја Категорија:Старогрчки скулптури