thumb|Разновидна козметика и прибор за шминкање thumb|right|Слика од 1889 година на која Анри де Тулуз-Лотрек насликал жена како нанесува козметика на нејзиното лице Козметика се производи кои се користат за подобрување на изгледот или мирисот на човечкото тело. Козметиката вклучува креми за кожа, лосиони, пудри, парфеми, кармини, лак за нокти, шминка за очи и лице, влажни марамчиња, трајни фризури, кнтактни леќи за очи, фарби за коса, спрејови и гелови за коса, дезодоранси, дезинфекциски средства за раце, производи за бебиња, масла за бањање, соли за бањање, путери и многу други типови на производи. Подмножество на козметиката е „шминката“ кое се однесува на производи во боја наменети за промена на изгледот на корисникот. Многу производители прават разлика помеѓу декоративна козметика и заштитна козметика. Зборот козметика потекнува од грчкиот збор κοσμητική τέχνη (kosmetikē tekhnē) што значи „уметност во облекувањето и украсувањето“, од зборот κοσμητικός (kosmētikos) што значи „вешти во средувањето и аранжирањето“ додека пак тој потекнува од κόσμος (kosmos) што меѓу другото значи „средува“ и „украсува“.
Мал број на мултинационални корпорации кои потекнуваат од раниот 20 век моментално доминираат со производството на козметика но дистрибуцијата и продажбата е раширена меѓу голем спектар на различни бизниси. Американската администрација за храна и лекови (ААХЛ) која ја регулира козметиката во Америка ја дефинира козметиката како :„наменета за да се применува на човечкото тело за чистење, разубавување, промовирање на привлечност или за промена на изгледот без да влијае на структурата или функцииите на телото“. Оваа широко распространета дефиниција исто така го вклучува и било кој материјал наменет за употреба како состојка од козметички производ. ААХЛ посебно го исклучува сапунот од оваа категорија.
Историја thumb|180px|right| Биста на Нефертити со нанесено моливче за очи Првиот археолошки доказ за употреба на козметика е пронајден во Египет околу 3500 г. п.н.е. во времињата на Стар Египет кога некои членови на кралските семејства како на пример Нефертити, Нефертари, маската на Тутанкамон итн. имале шминка. И Старите Грци и Римјани користеле козметика. Римјаните и Старите Египќани користеле козметика која содржела отровна жива и олово. Козметиката имала влијание на античкото кралство на Израел, како што е забележано во Стариот завет -2 Крала 9:30 каде Изабела си ги боела клепките -приближно 840 година п.н.е. И во Библиската книга на Естер се опишани разновидни третмани за убавина.
Во Средниот век, иако употребата на козметиката не била одобрувана од страна на Црквата, многу жени во ја користеле. Популарен тренд за жените во Средниот тренд било да имаат блед тен на кожата кој се постигнувал или преку нанесување на пасти од олово, креда или брашно или преку вадење на крвта. Жените ставале и бел пигмент од олово на нивните лица кој бил познат како „ceruse (церуза) “ за да изгледа дека имаат бел тен.
На многу места во западната историја употребата на козметиката била осудувана. На пример во 19-от век најпрво шминката ја користеле проститутките и Кралицата Викторија јавно изјавила дека шминката е несоодветна, вулгарна и прифатлива за употреба само кај глумците. Адолф Хитлер им кажал на жените дека боењето на лицето е само за кловнови а не за жени од намоќната раса.
Жените во 19-от век сакале да бидат сметани за нежни дами. Тие се споредувале себеси со деликатни цвеќиња и ја нагласувале својата префинетост и женственост. Секогаш имале за цел да изгледаат бледи и интересни. Понекогш дамите дискретно ставале малку руж на образите и користеле „беладона“ за да ги прошират и истакнат повеќе своите очи. Шминката општо била осудувана особено во 1870-те кога социјалниот бонтон станал многу ригиден.
Меѓутоа на глумиците им било дозволено да користат шминка и познатите убавици како што се Сара Бернар и Лили Лангтри можеле да бидат напудрени. Повеќето достапни козметички производи или биле хемиски сомнителни или поради бојата бобинки и цвекло можеле да се најдат во кујнската средина.
До средината на 20-от век, козметиката е во широко распространета употреба од страна на жените во приближно сите индустриски општества во светот.
Козметиката била во употреба илјадници години. Отсуството на регулирање на производството и употребата на козметиката низ годините довело до негативни несакани ефекти, деформитети, слепило па дури и смрт. Примери за ова се распространетото користење на церуза (бело олово) за покривање на лицето за време на ренесансата и слепило предизвикано од маскарата Lash Lure (Лаш Лур) во текот на раниот раниот 20 век.
Моментално широко распространетите годишни расходи за козметиката се проценуваат на 19 милијарди долари. Од поголемите фирми најголема е L’Oreal (Лореал), основана од Јуџин Шилер во 1909 под името Француска компанија за безопасно фарбање (сега во сопственост на Лилијан Беттанкурт (26%) и Nestle (Нестле) (28 %). Со останатите 46 % се тргува јавно). Пазарот е развиен во САД во текот на 1910-те од Елизабет Арден, Елена Рубинштајн и Макс Фактор. На овие фирми веднаш по Втората светска војна им се приклучуваат Revlon (Ревлон) и Estee Lauder (Естее Лаудер).
Производите за убавина сега се широко достапни од посветените интернет-трговци на мало кои од неодамна се приклучија од основани места вклучувајќи ги и големите стоковни куќи и традиционалните трговци на мало за убавина од тули и малтер.
Како и повеќето индустрии, козметичките компании се спротивставуваат на управување од страна на владините агенции како што е ААХЛ и лобираа против ова низ годините. ААХЛ не мора да ја одобрува или прегледува козметиката или пак што се става во производите пред тие да им бидат продадени на потрошувачите. ААХЛ регулира само против боите кои може да се употребат во козметиката и фарбањето. Козметичките компании не мора да пријавуваат никакви повреди предизвикани од производите, самите тие имаат доброволни потсетувачи на производите.
Критики и контроверзност
Во текот на 20-от век популарноста на козметиката рапидно се зголемува. Козметиката се користи од девојките на значително рана возраст, особено во Америка. Поради брзото намалување на возраста на корисниците на шминка многу познати брендови на компании од Rimmel (Римел) до Estee Lauder (Естее Лаудер) со висококвалитетни производи, се грижат за проширување на овој пазар со воведување на кармини и сјајеви за уста со повеќе мирис, козметика спакувана во сјајни и светликави пакувања, маркетинг и рекламирање користејќи млади модели. Во последните неколку години социјалните последици од разубавувањето на се помладите имаат многу внимание во медиумите.
Критиките на козметиката доаѓаат од различни извори вклучувајќи некои феминисти, исламисти, христијани, активисти за правата на животните, автори и групи од јавен интерес. Постои голема свест и приоритети за козметиките кои се без наводно токсични состојки, особено оние добиени од нафта, натриум лаурил сулфат (НЛС) и парабени.
Бројни објавени извештаи предизвикаа загриженост за безбедноста на неколку сурфактанти. СЛС предизвикува голем број на кожни заболувања вклучувајќи и воспаление на кожата.
Кај мал процент од популацијата парабените можат да предизвикаат иритација на кожата и контакт дерматитис кај поединци со парабенски алергии. Експериментите врз животните покажаа дека парабените имаат слаба естрогенска активност и се однесуваат како ксеноестерогени. Долгото користење на шминка ги истенчува трепките.
Вештачките мириси се користат многу во производите за широка потрошувачка. Студиите направени од алерголошките тестови покажуваат дека вештачките мириси се направени од многу состојки кои предизвикуваат алергиски реакции.
Козметичките компании беа критикувани за квазинаучни тврдења во врска со нивните производи што се погрешни или неподржани со научни докази.
Видови на шминка
Кармин, сјај за усни, молив за усни, здебелувач за усни, балсам за усни, основа за усни и зголемувачи на усни. Основа за лице која се користи за мазнење на лице и покривање на дамки или нерамномерна боја на кожа. Најчесто е течност, крем или пудра. За да се добие рамномерен краен резлутат пред да се нанесе пудрата се нанесува основа за пудра. Пудра, која се користи за да ја зацврсти течната пудра за лице давајќи и мат финиш и воедно да ги покрие малите недостатоци или флеки. Руж, руменило или црвило, бојач на образи кој се користи за истакнување на бојата на образите и за да ги направи јаболчниците да изгледаат подефинирани. Се наоѓа во вид на пудра, крем или течност. Перли, се користат за да и дадат на кожата малку боја со додавање на златен или бронзен сјај. Маскарата се користи за да ги затемни, издолжи и згусти трепките. Достапна е во природни бои како на пример кафена и црна но се наоѓа и во посмели бои како што се сина, розова или виолетова. Постојат многу различни формули вклучувајќи ги и водоотпорната за оние кои се склони кон алергии или ненадејни солзи. Најчесто се нанесува по извиткувачот на трепки и основата за маскара. thumb|upright|[Нанесување на сенка за очи thumb|Бродвејскиот глумец Џим Брочи нанесува шминка пред да отвори вечер со драма thumb|right|Маската за брада позната како chutti (чути) за Kathakali (Катхакали), уметнички танц во Керала, Индија се смета за најгустата шминка која се нанесува за каква било уметничка форма Лепило за вештачки трепки, молив за очи, сенка за очи, светки за очи и блескави моливи за очи како и моливчиња во најразлични бои се користат за да ги нагласат очните капаци (поголеми очи даваат помлад изглед). Моливчиња за веѓи, креми, восоци, гелови и пудри се користат за да ги дефинираат веѓите. Лак за нокти кој се користи за да ги обои ноктите на рацете и нозете. Коректор, се користи за да покрие какви било несовршености на кожата.
Козметиката може да се опише од формата на производот како и од областа на нанесување.
Козметиката може да биде течни или кремасти емулзии: пудри, како притиснати така и опуштени, дисперзии и анхидратни креми или стапчиња.
Боја за усни е козметички производ кој содржи или вода или база на гел. За да производот остане на усните многу бои може да содржат алкохол. Овие производи за обојување на усните се достапни во различни формули, бои и видови на нанесување. Идејата е бојата за усни со обојување трајно да ги засити усните со боја, подобро отколку нанесување на восок во боја на усните за нивно обојување. Бојата за усни обично е водоотпорна за да бојата биде долготрајна и кога бојата ќе се исуши не смее да се размачкува, да остава дамки, да изгледа нерамномерно или да остава траги на забите. Бојата за усни може да се најде во шише со апликатор кој се користи да се нанесе бојата на усните или во мала тегличка од која корисникот може да си ја нанесе бојата со прст или или козметичка четка.
Отстранувач на шминка е производ кој се користи за да се отстранат производи од шминка кои се нанесуваат на кожата. Се користи за ќистење на кожата за други процедури како што е нанесување на каков било лосион навечер пред спиење.
Производи за нега на кожа
Во општата категорија на козметика се и производите на нега на кожата. Тука се вклучени креми и лосиони за навлажнување на лицето и телото кои често се формулирани за опфаќање на различни типови на кожа, лосиони за сончање за заштита на кожата од УВ зраци и оштетувања, кожни избелувачи за побела кожа и третмански производи за поправање или прикривање на кожни несовршености (акни, брчки, подочњаци, итн), масла за потемнување за да ја потемнат кожата.
Состојки
Иако од најголемите козметички компании има гаранција дека состојките имаат поминато тестови за квалитет, ги исполнуваат сите услови што се потребни и поради тоа се безбедни за употреба, голема предост има козметиката која е без „вештачки“ состојки, особено онаа која се добива од нафта. Рачно изработените и потврдените органски производи кога еднаш ќе се најдат на ниш пазарот стануваат доминантни.