Музиканти или Свирачи, по реконструкцијата наречени Штипски Свирачи е композиција од четири фигури со висина од по еден метар, поставена на камен постамент од 80 сантиметри во Скопје. Дело е на вајарот Благој Чушков кој во 2002 година го направил по нарачка на тогашните скопски градски власти. Скулптурата била поставена на платото пред Балканска банка на Плоштадот Македонија. Во 2006 година скулптурата била цел на вандализам. Имено двете помали фигури на музичарите од скулптурата исчезнале, а една од нив била оштетена. За време на реконструирањето на кејот „13 ноември“ скулптурата била отстранета. Во 2009 година, пред Капитал банка во центарот во Скопје, по неколкугодишна пауза повторно била вратена скулптурата, но овојпат музичарите биле изработени во многу поголема димензија кои „свиреле“ на истите инструменти.
Наводи
Категорија:Споменици во Скопје Категорија:Дела на Благој Чушков Категорија:Македонски дела од 2002 година