Живко Панев (француски: Jivko Panev) е универзитетски професор, православен свештеник и француски новинар со македонско потекло.
Животопис
Роден е 1961 година во Струмица, Македонија. Во 1987 година дипломира на Правниот факултет при Универзитетот Св. Кирил и Методиј во Скопје. Веднаш потоа заминува за Париз, каде што запишува додипломски студии и во 1993 година дипломира на Православниот богословски факлтет „Св. Сергеј“ во Париз. Во 1994 година магистрира на Институтот за старогрчки јазик и литература при унверзитетот Сорбона. Во 2002 година се стекнува со MBA-диплома по „Менаџмент на човечки ресурси“ на Високата школа за бизнис во Париз. Во 2010 се здобива со универзитетска диплома gratianus (ниво на докторат) од областа на канонското право и правото на односите меѓу државата и религиите при Факултетот Жан Моне во Париз.
Кариера
Од 1999 година се вработува на Православниот богословски факлтет „Св. Сергеј“ во Париз, каде што, најпрво како асистент, а од 2007 година како доцент, држи предавања по предметите: Канонско право, Историја на помесните цркви, Агиологија и Методологија. Во 1994 година е ракоположен за православен свештеник, а во 2010 година е унапреден во првосвештеничко достоинство (протоереј)Orthodoxie.com: Élévation à la dignité d'archiprêtre du père Jivko Panev. Од 1999 година станува парохиски свештеник на „Богородица Державнаја“ во Шавил на Архиепископијата на православните руски цркви во Западна Европа. Во јануари 2005 година заедно со Кристоф Левалоа ја создал мрежната страница „Orthodoxie“, на којшто е главен уредник и којашто, според францускиот весник „La Croix“, е „еден од најцитираните информативни извори за православната актуелност (редовно посетувана од новинари, универзитетски професори, дипломати и одговорни црковни лица, како православни, така и римокатолици)“. Повеќепати има предавано на Високата школа за новинарство во Лил.Orthodoxie.com: "Les orthodoxes en France; organisation, influence, défis" une conférence du père Jivko Panev Од 2010 година, тој е директор на едицијата „Orthodoxie“ во француската издавачка куќа „Éditions du Cerf“.
Наводи
Надворешни врски Официјална страна на Православниот богословски факлтет „Св. Сергеј“ во Париз Institut Saint-Serge - corps professoral Богородица Державнаја во Шавил Paroisse orthodoxe Notre-Dame-Souveraine во Шавил, Париз Архиепископија на православните руски цркви во Западна Европа Orthodoxie Висока школа за новинарство во Лил Collection «Orthodoxie» Издавачка куќа Éditions du Cerf . "Églises du monde: le Monténégro" , емисија на ТВ каналот KTO, 27 октомври 2009 година "Églises du monde:la Russie", емисија на ТВ каналот KTO, 29 февруари 2012 година "La réception du Syntagma de Matthieu Blastarès en Serbie", текст објавен во Études balkaniques,n°10, 2003 Orthodoxie.com: "Quelques remarques sur l'autocéphalie" par le père Jivko Panev" "L'Église orthodoxe et l'écologie" , конференција одржана на 3 април 2008 во Parlement européen на еднодневниот семинар организиран од здружението Decere Orthodoxie.com: La séance solennelle 2012 de l’Institut de théologie orthodoxe Saint-Serge: la laudatio par le père Jivko Panev , панегирик на митрополитот Амфилохије од Црногорско-приморската митрополија, 12 февруари 2012 година
Категорија:Родени во 1961 година Категорија:Живи луѓе Категорија:Француски новинари Категорија:Македонски новинари Категорија:Македонски свештеници