Во центарот на градот Штип се наоѓа БезистенотСпоменици на културата на Македонија, Мисла, Скопје, 1980 кој по својата архитектура се издвојува од околните згради, особено сега меѓу новоградбите. Времето на неговото градење е непознато. Отсуството на декоративни елементи по неговите фасади, кои најчесто можат да укажат на една одредена епоха, во овој случај ја отежнаа задачата за поблиско датирање на овој објект. Изградба и изглед Општиот изглед на безистенот, а особено начинот како се изведени куполите, при што преминот од правоаголни пространства во кружна основа ги чинат плитки тромби, нè упатуваа на изворите од исламската архитектура. Се претпоставува дека безистенот бил изграден од 16-17 век. Изграден е претежно од камен. Безистенот во оваа основа претставува три првоаголни пространства, покриени со масивни куполи. Неговата внатрешност е осветлена преку повеќе отвори, прозорци што се наоѓаат на куполите. Историја Во турско време безистенот служел како главна чаршија каде што се продавале разни видови платна, од таму му произлегува и името. Во поново време со исчезнување на ориенталниот начин на тргување, неговата намена е изменета. За време на Австриско-турската војна, безистенот бил запален. Денес безистенот му служи на градот како уметничка галерија.
Галерија
Поврзано Безистен Битолски безистен Скопски безистен
Наводи
Штип Категорија:Згради и градби во Штип