Леопардов смок ( или Elaphe situla) — вид неотровна змија од фамилијата на смоковите (Colubridae) ендемска во Европа (вклучувајќи ја Македонија), Мала Азија и на Кавказ.

Распространетост Покрај Македонија, леопардовиот смок се среќава во Албанија, Босна и Херцеговина, Бугарија, Грција, Италија, Малта, Србија, Турција, Украина, Хрватска, Црна Гора и можеби на Кипар.

Опис По боја, леопардовиот смок е сив или драп со низа црвеникави или кафеави напречни дамки на грбот, кои се обрабени со црно. Од секоја страна има низа мали црни точки, наизменични со грбните дамки. На задниот дел од главата и тилот стои белег во облик на буквата Y, а од едното до другото око преку предмеѓуочните лушпи има црн срповиден белег и црн појас од задочните лушпи косо до аголот на устата. Стомакот е бел, со црнa шаховница, или речиси сосема црн. Грбните лушпи се мазни и распоредени во 25 или 27 реда. ВОзрасните единки достигнуваат до 90 см во должина, од кои 16 см отпаѓаат на опашката.

Живеалишта Природно живее во честак, на пасишта, во насади и селски бавчи.Böhme W, Lymberakis P, Ajtic R, Tok V, Ugurtas I, Sevinç M, Crochet P-A, Corti C, Haxhiu I. 2005. Zamenis situla. 2006 IUCN Red List of Threatened Species

Наводи

Литература Arnold EN. Burton JA. 1978. A Field Guide to the Reptiles and Amphibians of Britain and Europe. London: Collins. 272 pp. + Plates 1-40. ISBN 0-00-219318-3. (Elaphe situla, pp. 197–198 + Plate 36 + Map 110 on p. 266). Linnaeus C. 1758. Systema naturæ per regna tria naturæ, secundum classes, ordines, genera, species, cum characteribus, diferentiis, synonymis, locis. Tomus I. Editio Decima, Reformata. Stockholm: L. Salvius. 824 pp. (Coluber situla, p. 223). Venchi A, Sindaco R. 2006. Annotated checklist of the reptiles of the Mediterranean countries, with keys to species identification. Part 2 — Snakes (Reptilia, Serpentes). Annali del Museo di Storia Naturale "G. Doria", Genova 98: 259-364.

Поврзано Вистински смокови Список на змии во Македонија

Надворешни врски

Категорија:Смокови Категорија:Животински таксони опишани од Карл Линеј