Јован Трпеноски (, - , ) - поранешен македонски јавен обвинител, адвокат и министер за внатрешни работи.
Животопис Роден е на 23.11.1935 година во Охрид, каде го завршил основното и средното училиште.
Дипломирал на Правниот факултет при Универзитетот „Св. Кирил и Методиј“ во Скопје во септември 1959 година, со среден успех 8,00. За време на студирањето бил стипендист на Сојузното јавно обвинителство на СФРЈ и Републичкото јавно обвинителство.Јован Трпеноски на семрежната страница на АД Трпеноски
Правосудниот испит го положил во септември 1963 година.
Кариера По дипломирањето, засновал работен однос во Општинското јавно обвинителство Охрид, каде работел како Основен јавен обвинител сè до 1974 година.
Од 1974 година до 1984 работи како Окружен јавен обвинител во Скопје; во 1988 година именуван е за Јавен обвинител на Македонија, во текот на следните шест години бил јавен обвинител на Македонија, по што станал секретар за внатрешни работи во Извршниот совет предводен од Глигорие Гогоски, функција која ја извршувал во периодот 1989-1990 година. Во 2002 година, Трпеноски станал член на првиот состав на Комисијата за спречување на корупцијата.Јадранка Костова, „Тајната полиција учествуваше во создавањето неколку политички партии“, Фокус, број 1111, 20 јануари 2017, стр. 19-25.
По осамостојувањето на Македонија, поради својата работа како секретар за внатрешни работи, Трпеноски бил лустриран од Комисијата за верификација на факти, врз основа на тоа што потпишал налог за прислушување на телефонски разговори, како и поради тоа што, во својство на окружен јавен обвинител, поднел обвинение против едно лице.
Во јануари 2017 година Вишиот управен суд ја поништил одлуката на Лустрациската комисија за поранешниот јавен обвинител Јован Трпеноски.Паднаа одлуките за лустрацијата на Јован Трпеноски и Божин Павловски на семрежната страница на НоваТВ
Наводи
Категорија:Министри за внатрешни работи на Република Македонија Категорија:Македонски адвокати Категорија:Обвинители