мини|десно|250п|Сахуровата пирамида
Сахурова пирамида — староегипетска пирамида и прва изградена во некрополата Абусир. Таа била изградена како гробница на вториот фараон од Петтата египетска династија Сахуре во 2480 п.н е.Mark Lehner. The Complete Pyramids. Thames and Hudson Ltd., London. ISBN 0-500-05084-8. Градбата е дел од поголема гробна целина која се состои од храм на брегот на езерото Абусир, насип од овој храм до високиот храм сместен наспроти главната пирамида и посебна молитвена пирамида наменета за душата на кралот.Miroslav Verner, Steven Rendall. The Pyramids: The Mystery, Culture, and Science of Egypt's Great Monuments. стр. 313–324. ISBN 0-8021-1703-1. Целината во Древниот Египет била позната како „Ḫˁj-b3 S3ḥ.w Rˁ“ или во превод „воскресение на духот на Сах“.
Пирамидалната целина била предмет на темелни ископувања на почетокот од 20 век од страна на Лудвиг Борхарт и истата денес се смета за пресвртница во древноегипетската гробна архитектура, така што нејзиниот распоред има поставено образец кој останал непроменет сè до крајот на Шестата египетска династија околу 300 години подоцна.Ludwig Borchardt (1910-1913). Das Grabdenkmal des Königs Sahurā. 2 Bände. J. C. Hinrichs, Leipzig. Долината и високите храмови, како и насипот на целината, биле богато украсени со над 10.000 м2 фини релјефи кои ја направиле целината препознатлива во антиката. Високиот храм исто така се одликува по разновидноста на градежните материјали кои биле употребени за негова изградба — од алабастер и базалтни подови до фин варовник и црвен гранит на ѕидовите.Rainer Stadelmann. Die agyptischen Pyramiden: Vom Ziegelbau zum Weltwunder (Kulturgeschichte der antiken Welt). стр. 164–174.
Наводи
Категорија:Египетски пирамиди