Криенка (руски: Жмурки) - руски филм од 2005 година, во режија на Алексеј Балабанов, кој е автор и на сценариото, заедно со Стас Мохначев. Главните улоги ги играат: Алексеј Панин, Дмитриј Дјужев, Виктор Сухоруков, Никита Михалков, Алексеј Серебрјаков итн. Во текот на снимањето на филмот, режисерот Балабанов потрошил 50 литри лажна крв и ангажирал 20 познати руски глумци, а многу од нив тешко може да се препознаат, зашто се маскирани.
Синопсис Сергеј и Симон мора да му достават на моќниот мафијаш Сергеј Михајлович куфер полн со хероин. Тие работат за Михајлович, но хероинот им го крадат тројца ситни криминалци по налог на расипаниот полицаец Степан, мислејќи дека куферот е полн со пари. Откако сфаќаат дека се измамени, Сергеј и Симон најпрвин го убиваат полицаецот Степан, а од него го дознаваат местото каде што се кријат криминалците со хероинот. Тие влегуваат во станот и ги убиваат криминалците, но притоа е ранет Сергеј. Поради тоа, Симон мора да му се јави на својот другар, студент по медицина, кој на живо му прави операција на Сергеј. Потоа, двајцата си заминуваат со пленот.HRT, Igra skrivača, ruski film - Kino Milenij, Aleksej Balabanov (пристапено на 25.5.2019)
Наводи
Категорија:Руски филмови Категорија:Филмови на руски јазик Категорија:Криминалистички филмови Категорија:Филмови поврзани со дрога Категорија:Филмови со Алексеј Панин Категорија:Филмови со Дмитриј Дјужев Категорија:Филмови со Никита Михалков Категорија:Филмови со Алексеј Серебрјаков Категорија:Филмови на Алексеј Балабанов Категорија:Филмови од 2005 година Категорија:Филмски комедии Категорија:Филмови чие дејствие се одвива во Москва