Опел сигнум (германски: Opel Signum) — автомобил дизајниран и произведен од германскиот производител на автомобили Опел, кој се произведувал во периодот од 2003 до 2008 година. Во Обединетото Кралство моделот бил преработуван и продаван како Воксхал Сигнум. Моделот во голема мерка се засновал на Опел Вектра и ја користел долгата верзија на меѓуоскиното растојание на платформата GM Epsilon, исто така користена и од Опел Вектра караван.
Автомобилот се засновал на необичен концепт на многу голем хечбек со скоро вертикална задна врата. Неговите димензии го сместуваат меѓу традиционалните големи семејни автомобили и бизнис автомобили.
Џенерал моторс спровел сличен концепт во Северна Америка на голем хечбек со сродниот Шевролет Малибу Макс во 2004 година, исто така користејќи ја платформата Epsilon.
Од март 2008 година, Воксхал Сигнум веќе не бил наведен на ценовникот на Опел, што подразбира дека производството завршило, а Опел Сигнум и Опел Вектра биле заменети во октомври 2008 година со Опел Инсигнија. Кон крајот на 2005 година, Пјерлуиџи Колина учествувал во реклами низ цела Европа за „Сигнум“ и „Вектра“.
Наводи
Надворешни врски
Сигнум Опел Сигнум