Gypsy MagicВо однос на правилноста на англискиот назив, погледнето го и постерот на филмот. (или Џипси меџик ) ― македонски филм - мелодрама од 1997 година на режисерот Столе Попов, по сценарио на Владимир Блажевски. Филмот претставува обид да биде прикаана вистинската положба на Ромите, кај кои материјалната беда стои веднаш наспроти психолошката слобода којашто треба да го претставува нивното вистинско богатство. Главните улоги ги толкуваат Бајрам Северџан, Горан Додевски, Катина Иванова, Владимир Јачев, Предраг Манојловиќ и Тони Михајловски. Добитник е на гран при за најдобар филм „Antigon D'Or“ на филмскиот фестивал во Монпелје, Франција, како и на посебната награда од жирито на филмскиот фестивал во Измир, Турција Освоени награди, Џипси меџик на МИФЦ [Страницата е посетена на 2008-09-04]. Истовремено, филмот беше и македонската понуда за номинација за Оскар за најдобар странски филм, но не успеа да влезе меѓу петте номинирани. Музиката од филмот, компонирана и изведена од култниот македонски музичар Влатко Стефановски, доби високи признанија и популарност по издавањето на филмот.
Кратка содржина
Дејството на филмот се одвива во една ромска населба, а главните протагонисти се членовите на едно многубројно ромско семејство. Таип и Ремзија имаат шест деца, опстанокот го обезбедува Таип, пребарувајќи по градската депонија и препродавајќи ги старите работи. На депонијата претендираат и други Роми, па така Таип доаѓа во судир со Омер, водачот на една банда, чии членови без многу размислување го користат ножот во пресметките. Бедата во којашто живее семејството не го попречува Таип да сонува, да мечтае за Индија, прататковината на сите Роми.
Едно случајно познанство со докторот Риџу, Индиец по потекло, а инаку припадник на силите на УНПРОФОР во Македонија, му дава идеја како да дојде до толку потребните пари за купување коњ кој ќе го однесе семејството во Индија. Парите, меѓу другото, му се потребни и за купување голем жолт метален кревет - долгогодишна желба на Ремзија. Така започнува редицата „несреќни случки“ во семејството на Таип. Посмртниците за бабата, мајката, синовите, ги потпишува докторот Риџу, Таип ги добива парите што му следуваат од „социјалното“ за умирачките. Вака „умрените“ се осудени на живот во затворениот простор на импровизираниот дом на Таип, скриени од светлината на денот. Еден од синовите, во овие околности ја открива своја вистинска природа, па како травестит започнува љубовна врска со Индиецот Риџу.
При погребот на третиот „починат“ син Бајрам, кој се согласува да „умре“ под услов да приредат вистински закоп, Таип доцни со откопувањето и несреќата влегува во неговото семејство. Големиот мечтател Таип се соочува со несреќите што им се случуваат на неговите блиски. Земените пари не се доволни за исполнување на неговите сништа. Најпосле, во одмазда за Омер, кој е убиен од Таиповиот син Фазли, гине и Таип. Неговото тело потпрено на скалилата на товарниот вагон заминува некаде далеку од чергарската населба.„Џипси меџик“, Антена, број 884, 5.6.2015, стр. 22.
Поврзано
Список на македонски филмови понудени за номинација за Оскар
Белешки
Надворешни врски
Категорија:Филмови на Столе Попов Категорија:Филмови со Тони Михајловски Категорија:Филмови со Предраг Манојловиќ Категорија:Филмови со Владимир Јачев Категорија:Филмови со Бајрам Северџан Категорија:Филмови со Катина Иванова Категорија:Филмови на македонски јазик Категорија:Филмови од 1997 година Категорија:Македонски филмови понудени за номинација за Оскар за најдобар странски филм Категорија:Македонски филмови од 1990-тите Категорија:Филмови за Ромите Категорија:Појавено во 1997 година во Македонија Категорија:Филмови снимени во Скопје