Морис (англиски: Maurice) е британски филм од 1987 година, во режија на Џејмс Ајвори (James Ivory), кој е автор и на сценариото, заедно со Кит Хескет-Харви (Kit Hesketh-Harvey), засновано врз истоимениот роман на Е. М. Форстер. Главните улоги ги толкуваат: Џејмс Вилби (James Wilby), Хју Грант (Hugh Grant), Руперт Грејвс (Rupert Graves), Денхолм Елиот (Denholm Elliot), Бен Кингсли (Ben Kingsley), Марк Танди (Mark Tandy) и Сајмон Калоу (Simon Callow).HRT, Maurice, britanski film (12) (135:00) - Ciklus filmova James Ivoryja (пристапено на 28.11.2020)
Содржина Дејството на филмот се одвива во Британија пред Првата светска војна. За време на студиите, Морис (го игра Вилби) се спријателува со двајца студенти - лордот Рисли (го игра Танди) и богатиот и убав Клајв Дурхем (го игра Грант). Набргу, меѓу Клајв и Морис се раѓа љубовна врска, која продолжува и откако Морис е избркан од студиите и се преселува во Лондон. Откако лордот Рисли е затворен поради хомосексуален однос, Клајв ја раскинува врската со Морис, а потоа се оженува. Морис настојува да ја излекува својата хомосексуалност, но набргу започнува сексуална врска со младото момче Алек (го игра Грејвс). Алек планира да емигрира во Аргентина, но го пропушта бродот, а Морис му кажува на Клајв за врската со Алек. Бесниот Клајв го прекинува пријателството со Морис, кој се враќа на пристаништето каде го чека Алек со ветување дека никогаш нема да се разделат.
Наводи
Категорија:Британски филмови Категорија:Филмови на Џејмс Ајвори Категорија:Филмови со Џејмс Вилби Категорија:Филмови со Хју Грант Категорија:Филмови со Руперт Грејвс Категорија:Филмови со Бен Кингсли Категорија:Филмови со Марк Танди Категорија:Филмови на англиски јазик Категорија:Филмови чие дејствие се одвива во Англија Категорија:Филмови засновани на романи Категорија:Филмови од 1987 година