Максимилијан II (германски: Maximilian II Joseph; 28 ноември 1811 - 10 март 1864) владеел како крал на Баварија помеѓу 1848 и 1864 година. За разлика од неговиот татко, кралот Лудвиг I, „Кралот Макс“ бил многу популарен и имал поголем интерес за раководење на државата, отколку за личната екстраваганција. Се искачил на престолот за време на германските револуции од 1848-1849 година, кралот Максимилијан ја вратил стабилноста во своето кралство. Остатокот од неговото владеење се одликува со обиди да се одржи независноста на Баварија за време на војните на германското обединување и да го претвори неговиот главен град Минхен во културен и образовен центар. Тој се спротивставувал на обединувањето на Германија, предводено од Прусија, и се залагал за конфедерација на мали германски држави, која ќе биде насочена против Прусија.
Категорија:Кралеви на Баварија Категорија:Вителсбаховци Категорија:Луѓе од Минхен Категорија:Родени во 1811 година Категорија:Починати во 1864 година Категорија:Членови на Баварската академија на науките