Lo Pargue Natural Regional dels Pirenèus Ariegeses es un pargue natural regional creat en 2009, que l'airal ocupa prèp de 40% de la superfícia del departament d'Arièja. Amb prèp de 2468 km2, conten 142 comunas e abitants.
Projècte Projècte de territòri conciliant proteccion del mejan e desvolopament mestrejat, lo pargue natural regional es plaçat jos la competéncia partejada entre l’Estat francés e la Region de Miègjorn-Pirenèus.
Istòria Lo decret de creacion del 46 pargue natural regional de França foguèt signat lo 28 de mai de 2009. Lo Pargue Natural Regional dels Pirenèus Ariegeses es lo quatren pargue natural regional de la region de Miègjorn-Pirenèus.
Geografia Lo Pargue Natural Regional dels Pirenèus Ariegeses se situa dins los Pirenèus. Del nòrd al sud, s'espandís del Piemont pirenenc a la frontièra entre Espanha e Andòrra.
Lo territòri del PNR s'espandís sus o la mitat de la superfícia del sud-oèst del departament, amb 142 comunas; 13 cantons, 3 «païses», 14 comunautats de comunas. Sa populacion es de abitants, prèp de 30% de la populacion d'Arièja. Sa densitat es de 17 abitants al quilomètre carrat.
L'airal del PNR compren las partidas «naturalas» seguentas :
al nòrd, la partida arigesa de Volvèstre e la mitat oèst de la cadena del Plantaurel, limitada pel lo riu d'Arièja. als 2/3 nòrd, Seronés, Coserans e lo Bas Salat. al sud e al centre, zonas de caractèr montanhòl fòrça marcat, amb las vals de: la val de Vic de Sòs e son afluent, lo Siguèr; las vals de Saurat e de Corbièra, del pas de Pòrt e del massís dels Tres Senhors a Tarascon d'Arièja; la val de la Barguilhèra del pòrt dels Marros e del pòt del Boich a Fois; la val d'Arac; lo Naut Salat; Castilhonés.
Clima Lo territòri del pargue es a la confluéncia de tres influéncias climaticas: oceanica, mediterranèa, montanhòla segon l'altitud, l'exposicion o la situacion.
Idrografia Rius majors: Arisa Lesat Salat Vic de Sòs Volp
Arièja travèrsa pas lo pargue, mas sa riba esquèrra ne constituís lo limit èst.
Conten 69 lacs e estanhs d'altitud, 33 torbièras e 133 pesquièrs. Las fonts sosterranhas son tanben importantas.
En general, sus gaireben tot lo territòri l'aiga es d'excellenta qualitat, abrigant fòrças espècias.
Economia Tot lo terriòri es en zona d'economia montanhòla e 39 comunas son en zona de nauta montanha.
1% del territòri en zonas urbanas, industrialas o comercialas per 51% de selvas que 39% de fulhoses, subretot de faus utilizats per la silvicultura.
13% de tepas e pasturals d'altitud; 12,4% de pradas de pèmont; 10% de tèrras cultivadas; 8% de ròcas.
13,9% dels actius trabalhan dins lo sector agricòla e silvèstre; 15,8% son dins lo sector industrial l; 7,9% son dins la construccion; 62,3% trabalhan dins lo terciari public e privat. thumb|left|400px|... Caval dins una estiva de la val de Siguèr...
Agricultura e pastora La pastora i es encara fòrça present, pasmens, en 20 ans lo territòri del pargue a perdut 51,8% de sas expleitacions agricòlas. Lo territòri compta fòrça raças localas domesticas adaptadas a las condicions del territòri.
Artisanat e industria Son dins lo sector agroalimentari, la produccion de papièr e l'energia idroelectrica ().
Torisme 202 km de camins GR sus 1668 km de camins PR 2 estacions d'esquí alpin e 2 domenis per l'esquí d'escorreguda
Relèu thumb|right|450px|... Lo Mont Valièr...
Lo punt culminant es: La Pica d'Estats
Autres trescòls principals: Pic de Canalbona Pic de Medecorba Pica del Montcalm Pic del pòrt de Sullo Mont Valièr
Fauna e flòra
Fauna Lista de las principalas espècias remarcablas l'Isard lo desman dels Pirenèus (Talpidae) l'Ors dels Pirenèus l'Urodela, (Euproctus platycephalus) la Cernalha de Pirenèus (Iberolacerta bonnali) lo Pollambèrt la Perdritz grisa (Perdix perdix) la Perdritz blanca (Lagopus muta) lo Gipaèt (Gypaetus barbatus)
Flòra Lista de las principalas flors protegidas Lo Liri de Pirenèus - (Lilium pyrenaicum)
Patrimòni Lo patrimòni uman es fòrça ric, amb las caumas preïstoricas de Nhaus, Vedelhac e del Mas d'Asilh, ciutat antica de Sent Líser, etc.
Nòtas e referéncias
Articles connèxes Pargues naturals regionals d'Occitània Pirenèus
Ligams extèrnes
Categoria:Pargue natural regional d'Occitània Pirenèus ariegeses Categoria:Arièja Categoria:Espaci natural protegit dels Pirenèus