Brua e Auriac (Brue-Auriac en francés) es una comuna provençala situada dins lo departament de Var e la region de Provença-Aups-Còsta d'Azur.
La comuna actuala es eissida de la fusion dei vilatges de Brua e d'Auriac en 1840. Aperavans, lo senhor Georges Roux de Corse (1703-1792) aviá crompat un ensemble de tres fèus ancians per formar lo territòri de la comuna actuau. Puei, li fondèt lo vilatge de Brua. Son objectiu èra de crear un centre industriau e artesanat especializat dins la sericultura, lo textil (seda e lana) e la produccion de faiença. En 1762, la populacion dau vilatge èra de 865 abitants. La Revolucion foguèt a l'origina d'un premier declin demografic e la populacion passèt a 500 estatjants durant lo sègle XIX. Pasmens, leis industrias localas permetèron de limitar leis efiechs de l'exòde rurau amb un minimom demografic de 380 abitants en 1975. Dempuei aquela data, l'installacion creissenta de retirats en Var e lo desvolopament dei migracions periurbanas son a l'origina d'una aumentacion rapida de la populacion amb 1440 abitants recensats en 2020.
Liames intèrnes
Georges Roux de Corse
Bibliografia
Adrien Artaud, Un armateur marseillais. Georges Roux, Champion, 1890. Michel Goury e Charles Carrière, Georges Roux de Corse, l'étrange destin d’un armateur marseillais (1703-1792), Jeanne Laffitte, 1990. Jaques Martin-Laval, Si Brue m'était conté, 149 p.
Nòtas e referéncias
Categoria:Comuna de Var Categoria:Comuna de Provença