Sent Marcèl e Paulèl

Sent Marcèl e Paulèl (Saint-Marcel-Paulel en francés) es una comuna lengadociana del Tolosan situada dins lo departament de la Nauta Garona e la region d', ancianament de Miègjorn-Pirenèus.

Geografia Comuna de l'airal urban de Tolosa situada a 18 km al nòrd-èst de la vila. Malgrat la proximitat de la granda vila, la populacion de la comuna creis pas (a recentament baissat) e l'urbanizacion avança pas. Los recensaments d'aquí a 2009 mòstran çaquelà una evolucion normala per una comuna de banlèga. Es un cas comparable (mès pus tardiu) a d'autras comunas de l'ancian canton de Vrufuèlh : Gaure, Bonrepaus Riquet, pendent las annadas 2010, Sent Pèire e La Valeta pendent las annadas 2010. Dins mai d'un cas, una politica municipala de plaçament de la majoritat del territòri dins las tèrras a vocacion agricòla es l'explicacion probabla. Çaquelà, 2022 marca una represa de l'urbanizacion. vignette|upright=1.6|centre|Comunas a l'entorn. Perimètre del territòri

Toponimia Sent Marcèl Las fòrmas ancianas (Diccionari Topografic d'Émile Connac) son S. Marcellus, glèisa citada cap a 960, Marceil en 1646 Émile Connac, Dictionnaire topographique du département de la Haute-Garonne, manuscrit, 1882, Vol. 4, p. 2524-2525, cercar sus Gallica. La mapa de Cassini (sègle XVIII) pòrta Marceil https://www.geoportail.gouv.fr/donnees/carte-de-cassini cercar a 31590 Saint-Marcel-Paulel : Sent Marcèl a l'aparéncia d'un fals agionime e quitament le patronatge de la glèisa es estrangièr al nom d'aquel sent. La prononciacion lengadociana de Marcelh (Marcèlh ?), [mar'sel] o [mar'sɛl] ajudèt probablament a la confusion. La fòrma oficiala, Marcel en 1793 http://cassini.ehess.fr/cassini/fr/html/fiche.php?select_resultat=33125, fosquèc logicament compresa coma un nom descristianizat pels foncionaris departamentals e interpretada coma Saint-Marcel. Cal senhalar (partida Istòria) que la tendéncia a cristianizar le nom sembla pus anciana : Saint-Marceil. Dauzat e Rostaing, que, en general coneisson pas las realitats localas, fan del nom un agionime Albert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 613 e Negre a trobat una mencion de 960, Sanctus Marcellus, benlèu dins le Diccionari Topografic d'Émile ConnacErnest Nègre, Toponymie générale de la France, volume III, n° 28470, que, poiriá venir d'endacòm mai, estant que le vocable de la glèisa es Sent Pèire, dedicàcia apostolica qu'a totas las rasons d'èsser anciana. Mès Sent Marcèl pòt tanben èsser una parròquia despareguda, diferenta de Sent Pèire. Paulèl Paulèl es pas un nom de parròquia. La glèisa èra Sent Andrieu (nom supausat) de la Ribièra, netament al nòrd del lòc. Paulèl es a l'origina le nom del castèl ? Non se sap e aquel derivat aparent (ambe -ellum o son resultat) del pichon nom Pau (de Paulus) es inacostumat.

Istòria Pendent l'Ancian Regime, Saint-Marceil èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, Saint-Marceil èra del canton de Vrufuèlh. Le vocable de la glèisa es Sent Pèire. Saint-Marcel e Paulel fusionèron per ordenança del 26 de febrièr de 1835 Dictionnaire des localités de la Haute-Garonne, p. 43 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.html. La mapa de Cassini (sègle XVIII) pòrta Marceil.

Pendent l'Ancian Regime, Paulèl èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, Paulèl èra del canton de Vrufuèlh. Le vocable de la glèisa, annèxa de Marceil, es Sent Andrieu (de la Ribièra) Dictionnaire des localités de la Haute-Garonne, p. 35 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.html. Sus la mapa de Cassini, la glèisa nommada St André, en riba de Giron, es pus al nòrd que lo lòc de Paulel o que lo castèl del meteis nom, qu'es prèp de la RD 112. Son nom, Sent Andrieu de la Ribièra, confirma sa localizacion. A desparegut.

Administracion

Demografia

En la populacion èra de abitants e la densitat èra de ab/km². Paulèl

Lòcs e monuments

Personalitats ligadas amb la comuna

Véser tanben Comunas de la Nauta Garona Ligams extèrnes

Nòtas

Categoria:Comuna del Tolosan Categoria:Comuna de la Nauta Garona Categoria:Comuna del Tolosan