Puègdanièl (Puydaniel en francés) es una comuna lengadociana istoricament, benlèu gascona lingüisticament, situada dins le departament de la Nauta Garona e de la region d', ancianament de Miègjorn-Pirenèus.
Geografia Puègdanièl se situa a 30 km al Sud de Tolosa, dins son airal urban e a 15 km al Sud-Èst de Murèth. Es un pichon vilatge de prèp de 400 abitants que domina la val d'Arièja, a 230 m d'altitud, sul tèrme de la primièra laissa que susplomba la plana alluviala. Los ostals s'implantan uèi alentorn, sul planòl de la laissa, la costièra o la planura d'Arièja qu'es a prèp de 185 m d'altitud. La pichona rota departamentala Savardun-Murèth seguís lo bòrd inferior de la laissa; la circulacion i es plan importanta. Pasmens, la partida del vilatge situada sul planòl gausís de calme e d'una bèla exposicion. Lo territòri de la comuna s'espandís doncas a l'encòp sus la planura d'Arièja e sus las costièras del Volvèstre doncas lo relèu compòrta una partida plana (laissa) e una granda partida penjada, sovent cobèrta de bosques ont lo garric domina. vignette|upright=1.6|centre|Comunas a l'entorn. Perimètre del territòri
Toponimia Las fòrmas ancianas son Podo Danieli, sense data, Pech Daniel, sense data, Pech (Verti ? de mal legir), sense data Émile Connac, Dictionnaire topographique du département de la Haute-Garonne, manuscrit, 1882, Vol. 3, p. 2315, cercar sus Gallica. Puègdanièl ven de l'occitan puèg [pɛtʃ], « tuca, mai o mens arredondida, lòc naut », del latin podium e del nom de persona Danièl Albert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 521-522Ernest Nègre, Toponymie générale de la France, volume III, n° 29 465.
Istòria L'origina del nom del vilatge ven del sègle X ont un abat de Lesat nomenat Daniel n'èra lo possessor. A l'Edat Mejana, sul territòri del vilatge i aviá tres glèisas e una capèla del camps bastida sul pichon relèu dich "La Mòta". Al sègle XV, Puègdanièl èra de l'ostal del Montauts, al sègle XVII e XVIII, a la familha Brettes de Turin. La parròquia èra dependenta de la diocèsi de Rius. La glèisa parroquiala de Sant Blasi, (Monument istoric), amb un campanar-mur bordat de doas torretas agudas ne fasiá un pòrt majestuós. Coma fòrça glèisas de la region, foguèt destruida pendent las guèrras de religion e tornèt èsser bastida al sègle XVII. Demòran de l'epòca lo mèstre altar, un retable de fusta ornat e una campana.
Pendent l'Ancian Regime, Puègdanièl èra de la diocèsi civila de Tolosa, doncas de la província de Lengadòc, de la generalitat de Tolosa, de la diocèsi de Rius e de la senescauciá de Tolosa. Le vocable de la glèisa es Sent Blasi. En 1790, Puègdanièl èra del canton de Saint-Sulpice-Lezadois (Sent Somplesi), en l'an VIII del canton d'Autariba Dictionnaire des localités de la Haute-Garonne, p. 37 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.html.
Administracion
Demografia
En la populacion èra de abitants e la densitat èra de ab/km² (573 abitants en 2022).
Economia Puègdanièl que l'economia es subretot basada sus l'agricultura, i a una bèla escòla bordada per un espaci de jòcs amb terren de tennis e una granda sala de las fèstas, de camins d'excurcion.
Lòcs e monuments Glèisa Sant Joan e Sant Blasi: monument istoric dempuèi 1971.
Personas ligadas a la comuna Casimir Barrière-Flavy
Véser tanben Comunas de la Nauta Garona
Ligams extèrnes
Nòtas e referéncias
Categoria:Comuna de Volvèstre Categoria:Comuna de la Nauta Garona Categoria:Comuna de Gasconha