Bourgoin-Jallieu en arpitan ( Bourgoin-Jallieu en francés) es una comuna arpitana dau Daufinat, situaa dins lo departament d'Isèra e la region d'Auvèrnhe Ròse Aups.
La comuna es lo centre de l'unitat urbana de Bourgoin-Jallieu, aglomeracion de mai de 56 000 abitants, la tresena dau departement, après Grenòble e Viana. La comuna e son aglomeracion fan partit de l'aira urbana de Lion. La vila s'establís a 254 mètres d'altitud au nivèl de la gara ferroviària.
Istoricament, la ciutat foguèt restacaa a la senhoriá de La Tour-du-Pin, que serà puèi integraa au Daufinat. Situaa sus una via rotièra importanta, que religa Lion e Itàlia, Bourgoin auberguèt un important relais de pòsta entre Grenòble e Lion. A l'epòca industriala, Bourgoin venguèt una das principalas vilas dau Nòrd-Isèra e son desvolopament serà ligat a sas activitats textilas. Son associacion esportiva pus coneguda dins lo monde esportiu es son club de rugbi, que foguèt membre dau Top 14 entrò 2011.
Geografia
Situada dins la part septentrionala dau departament d'Isèra e dins la plana de la Bourbre e dau Catelan, fa partida de la region designaa au nivèl locau daube lo nom de Bas-Daufinat o de Nòrd-Isèra, au nòrd de la pechona region naturala das Tèrras freidas. Istoricament, l'ensemble de la region foguèt tanben nomenat Vianés.
Istòria
Administracion
Demografia
Luecs e monuments
Personalitats ligaas daube la comuna
Véser tanben
Ligams extèrnes
Nòtas
Categoria:Comuna arpitana dau Daufinat Categoria:Comuna d'Isèra