Montgaug ( Montgauch en francés) es una comuna occitana, situada dins lo departament d'Arièja e la region de Miègjorn-Pirenèus. Geografia Gaireben tota la populacion comunala qu'es concentrada en tres vilatges, alinhats en 2 km, sus un axe NE-SO : Montgaug, La Crasta (ont i a la glèisa e la comuna) e Varelha.
Montgaug qu'es un vilatge d'abitat dessarrat qui s'escampilha long de la RD 33A que va de Sent Líser a Casavèth e sustot sus ua sèrra qui li es parallèla. Qu'es a Montgaug, lo vilatge pus ensorelhat, qui i a lo mèi de construccions navèras, mèi que mèi a l'oèst.
La Crasta qu'es bastit sus ua auta sèrra en direccion de Varelha.
Varelha qu'es lo vilatge qui a lo mèi d'abitat massat, donc d'ostaus juntisses. Lo camin godronat que s'i arrèsta. Lo paisatge qu'es en partida barrat per las montanhas, a la diferéncia de Montgaug. Toponimia Montgaug. Dauzat e Rostaing qu'interprètan Montgaug puslèu com Montguers (mont e preceltic gar-, « pèira»), que com Montjòi de Coserans, Montjòi (Aude), La Montjòia, Montjuèi Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, pp. 466-467.
La Crasta, lo nom qui vòu dire « besau, varat collector, petit cors d'aiga » que correspond mau au lòc (sus una sèrra entre duas comas), çò qui poiré hèr supausar que lo nom d'origina èra Montgaug (veire Istòria). Varelha qu'es d'un tipe latin tardiu Vallicula, de vallis e sufixe icula, donc un diminutiu de vath, qu'a lo sens de « petitas espandidas de tèrras alluvialas, situadas dins un hons ». Qu'es representat tanben a Valelhas, Varelhes, Varilhas, Era Varelha, Vazeilles-Limandre, etc Paul Burgan, André Lafon, Toponymie du Tarn-et-Garonne, Association Antonin Perbosc, 2006, per Valelhas, p. 240. -ll- que dona normalament -r- en gascon, mès qui se pòt trobar tanben dens autes cases.
Istòria De personas de la comuna supausan que Montgaug èra au començament ont i a la glèisa : a La Crasta.
Administracion
Abans la refòrma cantonala de 2014, aplicada en 2015, Montgaug qu'èra deu canton de Sent Líser, ara, qu'es deu canton de Las Pòrtas deu Coserans. Demografia
2011 : 122; 2013 : 121 abitants (13 ab/km²)
Luòcs e monuments Glèisa romanica del sègle XII
Personalitats ligadas amb la comuna
Véser tanben
Ligams extèrnes
Nòtas
Categoria:Comuna d'Occitània Categoria:Comuna d'Arièja