Sent Netère o Sent Netèri (Saint-Nectaire en francés) z-es una comuna auvernhata dau departament dau Puèi de Doma e la region d'Auvèrnha-Ròse-Aups.
z-Es famosa per sa granda glèisa romanica e per le formatge de Sent Netère. z-Èra tanben una viala de termalisme.
Los abitants son los Sentneteròts[ʃinteˈro]..
Geografia Sent Netère se tròba dins los Monts Dòr, z-elh mèma localizat dins le Pargue naturau regionau daus Volcans d'Auvèrnha. La viala z-es devesida entre una viala nauta (a rasa de la glèisa de Nòsta Dama dau Mont Cornador) e una viala bassa, que data dau sègle 19, quand se desvolopèt le torisme termau.
Dètz comunas son limitròfas :
Vialatges de la comuna
Los Arnats [lyz͜ arˈna] o [luz͜ ɒrˈna] (fr. Les Arnats), los abitants son apelats los ases. Boissèiras [bweˈsɛjrɒ] (fr. Boissières). Farjas [ˈfardzɒ] (fr. Farges). Freidafònt [ˌfridaˈfã] (fr. Freydefont). Las Granjas [la ˈgrãdza] o [la ˈgrɛ̃dzɒ] (fr. Les Granges). Lambre [ˈlãbrə] (fr. Lambre). Lentuègel [lɛ̃ˈtydzə] (fr. Lenteuge). Salh [se] (fr. Sailles). Salhens [saˈjɛ̃] (fr. Saillant). Sachac [saˈtsa] (fr. Sapchat). Sauvanhac [sʏvaˈɲa] (fr. Sauvagnat). Tresenchas [trəˈzɛ̃tsa] o [trəˈzɛ̃tsɒ] (fr. Treizanches).
Istòria vinheta|esquèrra|Glèisa romanica de Sent Nectaire Le site de Sent Netère siguèt despuèi los temps paleolitics coma z-o mòstra un dolmèn. Au sègle XII, le comte d'Auvèrnha Guilhem VII donèt la tèrra de Sent Netère per qu'i fondèsson un luòc de pregèiras.
Toponimia Atestat Sanctus Necterius en 1030 e 1286, trobèm tanben las fòrmas Sainectaire, Sénectaire, Sennectaire, Sennecterre, Seneterre e Senneterre.
Dins los parlars de los Arnats e de Freidafònt (vialatges de la comuna) se ditz [ʃinˈtɛrə], dins le parlar de Sent Sandol [ʃɛ̃nˈtɛrə]. Mens localament, vèrs Verninas, se ditz [sɛ̃ nᵊˈtɪj] (davant una <i>, la <r> es sovent pas prononciada en bas auvernhat)Collectatges IEO 63. (Los Arnats 08/04/2026 ; Freidafònt 17/04/2026)..
S'agís clarament d'un tipe en -erius pusliau qu'en -arius, se deu doncas escriure Sent Netère, o Sent Netèri per la forma de Verninas.
Monuments e patrimòni thumb|left|200px|Vièrja dau Mont Cornador Glèisa de Nòsta Dama dau Mont Cornador (dau sègle XII) Fònt petrifianta de Sent Netère
Administracion
Demografia
Luòcs e monuments
Personalitats liadas a la comuna
Veire tanben
Liams extèrnes
Nòtas e referéncias Nòtas
Referéncias
Categoria:Comuna dau Puèi de Doma Categoria:Comuna d'Auvèrnhe (Occitània)