Margarida de Navarra (Engoleime, l'11 d'abriu de 1492 - Audòs, lo 21 de deceme de 1549) qu'èra la hilha de Charles d'Orleans e de Loïsa de Savòia e tanben la sòr ainada deu rei de França Francés Ièr. Que's maridè en purmèras noças dab Charles IV, duc d'Alençon que's vadó veusa e, alavetz, qu'esposè Enric de Labrit, rei de Navarra, comte de Foish e vescomte de Bearn. La lor hilha, Joana de Labrit que vadora reina de Navarra e que ho la mair deu Noste Enric.
Margarida de Navarra que ho ua hemna de letras autora de teatre e deu famós Eptameron (deu grèc epta : "set" e emera : "dia"), ua òbra qui's volèva inspirada deu Decameron (deu grèc "dètz dias") de Boccacio. Dens l'Eptameron, l'aigau deu gave d'Auloron qu'embarra los personatges a Sarrança on, per passar lo temps, e condan cadun ua hèita, e aquò, de segur, pendent sèt dias. Margarida de Navarra qu'atirè monde de letras e umanistas a la cort de Pau, en preparant atau la vienguda de la Refòrma.
Categoria:Escrivan francés del sègle XVI Categoria:Femna de letras Categoria:Dinastia dels Valés Categoria:Naissença en 1492 Categoria:Naissença a Engoleime Categoria:Decès en 1549 Categoria:Noblesa francesa Categoria:Noblesa bearnesa Categoria:Personalitat bearnesa Categoria:Escrivan bearnés de lenga francesa