Alèp (arabi: حلب; transliterat Ḥalab), es la vila pus granda de SiriaUN Data, Syrian Arab republic e la capitala del Governorat d'Alèp, lo pus poblat de Siria. Amb una populacion oficiala de abitants (estimacion de 2005), espandida a mai de 2,5 milions dins l'airal metropolitan, es tanben una de las vilas pus grandas de LevantExpatify.com Navigating the Major Cities of Syria. Pendent de sègles, Alèp foguèt la pus granda vila de la Granda Siria e la tresena de l'Empèri Otoman, après Constantinòble e Lo CaireEncyclopedia of the Ottoman EmpireRussell, Alexander (1794), The natural history of Aleppo, 2nd Edition, Vol. I, pp. 1-2Gaskin, James J. (1846), Geography and sacred history of Syria, pp. 33-34. E mai que relativament pròcha de Damasc en distància, Alèp es desparièra de per son identitat, arquitectura e cultura, fargada per una istòria e una geografia diferentas.
Alèp es una de las vilas pus vièlhas del mond, benlèu abitada dempuèi lo millenni VI abCColumbia Encyclopedia, Sixth Edition (2010). D'excavacions a Tell as-Sawda e Tell al-Ansari, just al sud de la vila vièlha d'Alèp, mostrèron que l'airal es ocupat dempuèi al mens la fin del millenni III abCThe Oxford encyclopedia of archaeology in the Near East (1997); e Alèp es tanben mencionada dins las tauletas cuneïformas descobèrtas a Ebla e en Mesopotamia, que la ciutat i es citada per sas capacitats comercialas e militarasBritannica Concise Encyclopedia (2010). Una tan longa istòria es probablament deguda a sa situacion de punt estrategic dins lo negòci a mièg camin entre la Mar Mediterranèa e Mesopotamia.
L'importància istorica de la vila es tanben deguda a sa situacion geografica a la fin de la Rota de la Seda, que passava per l'Asia Centrala e Mesopotamia. Quora s'inaugurèt lo Canal de Suèz en 1869, lo comèrci venguèt maritim e Alèp comencèt de declinar dapasset. A la casuda de l'Empèri Otoman après la Primièra Guèrra Mondiala, Alèp daissèt son rèirepaís al nòrd a la Turquia modèrna, e un important camin de fèrre que la religava a Mossol. Puèi en 1940 perdèt son principal accès a la mar, Antiòquia e Alexandreta (Iskenderun), tanben en Turquia.
Pendent la Batalha d'Alèp la vila patiguèt de destruccions massisas, e foguèt la vila pus tustada per la Guèrra civila siriana. En decembre de 2016, après un ofensiva victoriosa, lo governament sirian acabèt de prene lo contraròtle total de la vila.
Referéncias
Categoria:Vila de Siria