Lionel Jospin, nascut lo 12 de julhet de 1937 a Meudon, defuntat lo 22 de març de 2026, foguèt un òme politic francés, membre del Partit socialista (PS), foguèt primièr ministre del 2 de junh de 1997 al 6 de mai de 2002.
Ancian escolan de Institut d'estudis politics de París e de l'ENA, es diplomata e universitari de profession. D'en primièr membre de l'OCI trotskista, jonhèt lo Partit Socialista en 1971. Especialista en economia, venguèt primièr secretari del PS pendent lo primièr mandat del president de la republica François Mitterrand (1981-1988). Deputat de la 27 circonscripcion de París puèi de la Nauta Garona, foguèt, de 1988 a 1992, ministre d'Estat, ministre de l'Educacion nacionala, dins los govèrns de Michel Rocard, Édith Cresson e Pierre Bérégovoy.
Elegit candidat socialista a l'election presidenciala de 1995 pendent la primària de son partit, perdèt al segond torn contra Jaume Chirac, puèi tornèt èsser primièr secretari del PS en octobre. Dos ans mai tard, la victòria de l'esquèrra a las elections legislativas li permèron de venir Premièr ministre, per la tresena coabitacion. Al cap de la « majoritat pluriala », contribuguèt a la mesa en plaça de las 35 oras et dels emplecs joves.
Encara un còp candidat del PS lors de l'eleccion presidenciala de 2002, foguèt eliminat al primièr torn, essent davançat pel president sortent Jaume Chirac e pel candidat del Front Nacional Jean-Marie Le Pen, e anoncièt sul còp sa retirada de la vida politica. Demissionèt de sas foncions de cap de govèrn lo 6 de mai de 2002, l'endeman del segond torn del vòte presidencial. Lo govèrn Jospin coneguèt fòrça remanejaments, mas son pas considerats coma de cambis de govèrn, Lionel Jospin avent pas donat sa demission per formar una nòva equipa.
Foncions e mandats Foncions ministerialas 10 de mai de 1988 - 15 de mai de 1991 : ministre d'Estat, ministre de l'Educacion nacionala, de la Jovença e des Espòrts dels govèrns de Michel Rocard 16 de mai de 1991 - 2 d'abril de 1992 : ministre d'Estat, ministre de l'Educacion nacionala del govèrn d'Edith Cresson 2 de junh de 1997 - 6 de mai de 2002 : Primièr ministre de França
Foncions parlementàrias 2 de julhet de 1981 - 1 d'abril de 1986: deputat de la 27 circonscripcion de París 1 d'octobre de 1986 - 14 de mai de 1988: deputat de la Nauta Garona (elegit pendent una eleccion parciala) 23 de junh de 1988 - 28 de julhet de 1988: deprutat de la 7 circonscripcion de Nauta Garona (remplaçat aprèp sa nominacion al govèrn; batut en 1993) 1 de junh de 1997 - 2 de julhet de 1997: deputat de la 7 circonscripcion de Nauta Garona (remplaçat aprèp sa nominacion coma Primièr ministre) 1984 - 1988 : deputat europèu
Mandats locals 1977 - 1986 : Conselhèr de París (demissionna aprèp son eleccion a l'Assemblada nacionala) 1988 - 2002 : conselhèr general de Nauta Garona pel canton de Senta Gabèla, (eleccion parciala) 1992 - 1997 : Conselh regional de Miègjorn-Pirenèus
Foncions politicas 1971 : adesion al Partit socialista 1973 - 1993 : membre del comitat director e du burèl executiu del PS 1973 - 1975 : secretari nacional del PS, encargat de la Formacion 1975 - 1979 : secrétari nacional del PS, encargat de las relacions amb los païses del Tèrç Monde 1979 - 1981 : secrétari nacional del PS, encargat de las relacions internacionalas 1981 : director de campanha de François Mitterrand per l'eleccion presedenciala 1981 - 1988 : primièr secretari del Partit socialista Secretari nacional a las relacions internacionalas, encargat de la coordinacion al PS; de mission prèp del primièr secretari del PS, encargat de las assisis de la transformacion sociala ; membre del burèu executiu e del conselh nacional 1987 : president de la comission de preparacion de la campanha electorala del candidat socialista a l'eleccion presidenciala francesa de 1988 1995 : president de la comission de renovacion del Partit socialista 1995 - 1997 : primièr secretari del PS ; membre del burèu nacional e membre del conselh nacional del PS
Jospin, Lionel Jospin, Lionel Jospin, Lionel Categoria:Decès en 2026