thumb|Un tamarind sortit de la grana Lo tamarind (Tamarindus indica) es l'unica espècia coneguda dins lo genre Tamarindus e aparten a la familha de las leguminosas o Fabaceae.
Etimologia Lo mot "tamarind" ven de l'arabia "tamar hind" (تمر هند), que significa "datilièr d'Índia".
Distribucion e descripcion thumb|left|Flors del tamarind vinheta Lo tamarind viu dins de luòcs de clima tropical e subtropical. Es originari de l'èst d'Africa e se trapa pels tropics sobretot en Asia e America, majoritàriament a la Cariba, onte sovent se cultiva per la seuna polpa.
Es un arbre grand de fuèlhas persistentas en localitats sens sason seca mas caduc dins lo cas contrari. A de fuèlhas amb fins a 40 foliolas e flors en pinhas. Lo fruch es una golça pelana d'una polpa brumenca comestibla e de qualques granas duras.
Usatges La polpa a l'entorn de las granas dels fruches del tamarind es de gost agradablament acida. A de multiples aplicacions dins la cosina tradicionala dels païses de las zonas tropicalas asiaticas, africanas e sudamericanas. Tanben es un dels ingredients de la salsa Worcester.
La polpa es garda subretot al sal. Confita amb de mèl o de sucre èra una de las confisariás dels bedoïns del desèrt.
La fusta de l'arbre es dura e fòrça apreciada pel seu color roja per ne far de mòbles e postams. Al sud d'Índia servissiá per far de travèrsas de camin de fèrre.
Tanben a d'usatges medicinals subretot dins l'Ayurveda per combatre los problèmas digestius.
Referéncias
Dassanayake, M. D. & Fosberg, F. R. (Eds.). (1991). A Revised Handbook to the Flora of Ceylon. Washington, D. C.: Smithsonian Institution. Joseph Dalton Hooker. (1879). The Flora of British India, Vol II. London: L. Reeve & Co.
Ligams extèrnes
Fruits of Warm Climates: Tamarind Plant Cultures: History and botany of tamarind California Rare Fruit Growers: Tamarind Fruit Facts
Categoria:Caesalpinioideae Categoria:Arbre fruchièr Categoria:Flòra (nom vernacular) Categoria:Planta d'espècia