Aimeric de Montreal (executat en mai de 1211) foguèt un nòble occitan de Lengadòc, senhor de Laurac e cosenhor de Montreal. Aimeric, un dels senhors mai potents de Lauragués e conselhièr dels comtes Ramon de Tolosa e de Ramon Rogièr de Besièrs Carcassonna e fervent catar, foguèt capturat e penjat pels crosats en 1211 aprèp lo sèti de la Vaur.
Biografia Aimeric de Montreal èra filh de Blanca de la Vaur e de Sicard II. Aviá quatre sòrres que las mai famosas son Esclarmonda e Guirauda. Durant lo sèti de la Vaur, Aimeric acompanhat de 80 cavalièrs anèt portar ajuda a sa sòrre Guirauda. Aprèp la presa de la fortalesa lo 3 de mai de 1211, Aimeric e sos companhons foguèron penjats e escotelats pels crosats de Simon de Montfòrt quand la poténcia cediguèt.
Categoria:Noblesa occitana Categoria:Lengadòc medieval Categoria:Lauragués Categoria:Personalitat catara Categoria:Camp occitan de la Crosada dels Albigeses Categoria:Cavalièr faidit Categoria:Condemnat a mòrt executat per pendeson Categoria:Decès en 1211