L'avelanièr (var. avelanier, auglanièr, aulanhièr, aulanhier, aulanheir, aulanier, aulaniera, aulanèir, averan(h)èr, averanèra, averaèr, auraèr, averèr, averoèr, averau; nosilhier, nòsilhier, nosilhiera, nòsilhiera, nosilha?; vaissa; caura f., còure m.; cachon) (Corylus avellana) es un arbre silvèstre o cultivat per sos fruches secs, las avelanas.(var. auglanas, auganhas, auglanhas, aulanhas, aulanas, averans, aulans, aurans; nosetas, nosilhas; vaissas) Aperten a la familha dels betulacèas. I a una desena d'espècias dintre del genre Corylus. Totes son d'arbres caducifòlis que demòran dins l'emisfèri nòrd e dins de climas temperats. Descripcion L'avelanièr a de fuèlhas redondas simplas e ressegadas. Las flors son de pollinizacion anemofila e los mascles començan de se desvolopar a la fin de l'estiu e contunhan de créisser fins a l'ivèrn seguent. Las flors femes son pus tardivas e pauc visiblas e sonque los pichons estils roges s'i remarcan. Los fruches de 1 a 2 cm de diamètre, son parcialament dintre d'una bractea de color verda al començament e marron a maduracion. Coma arbre silvèstre forma las avelanièras de nauta montanha e a mendre altitud se tròba pròche dels rius.
L'avelana es una notz comestibla, fruch de l'avelanièr comun (Corylus avellana L.). A una forma esferoïdala e son diamètre sòl èsser de 10 a 15 mm. Ten una clòsca fibrosa extèrna que envolopa un cobèrt lis ont s'amaga la grana; aquesta clòsca se seca pendent la maturacion.
Lo nogalh de la grana es comestible e se pòt emplegar cru o cuèch (entièr o en pasta). La pèl fosca que cobrís la grana a un gost amar, çò que fa sovent es tirat quand se deu consumir. S'emplega l'avelana per far un òli de gost fòrt e caracteristic per un emplec alimentari mas subretot per èsser barrejada amb de chocolat.
Las avelanas silvèstras son tanben comestiblas mas lors arbres son pauc productius. Se cultiva sens o amb asagatge, e a besonh de vent pendent la pollinizacion que se produtz en ivèrn.
Nòtas e referéncias
Categoria:Arbre fruchièr Categoria:Planta oleaginosa Categoria:Betulaceae Categoria:Boscassilha Categoria:Planta utila Categoria:planta medicinala Categoria:Arbre Avelanièr comun Categoria:Fruch sec Categoria:Arbre d'Occitània