L'origan o (Origanum vulgare), tanben majorana fèra, es una planta erbacèa vivaça de la familha de las Lamiacèas. L'origan es a vegada confondut amb la majorana (Origanum majorana), que n'es fòrça pròche, coma per sas vertuts medicinalas e aromaticas.
Etimologia Lo mot « origan » es eissit del grèc / origanonJean Dubois, Henri Mitterand, Albert Dauzat, Dictionnaire étymologique et historique du français, Éditions Larousse, 2006., significant « que s'agrada sul mont », compausat de / oros « mont » e / ganos « esclat, aspècte risent ».
Descripcion Las plantas atenhon una talha variant entre 30 e 80 cm.
Las tijas rojas, de seccion carrada, son pelosas amb de fuèlhas redondas, verdas, leugièrament dentadas.
Las flors son ròsas o porpras, e son amassada en pechons paniculs.
Cultura esquèrra|vinheta|Flors L'origan se multiplica per troces de matas a la prima o alara per semenadas. Los plants devon èsser espaciadas de 30 cm. Li cal un sol leugièr e airat, caud, calcari. Un luòc a l'abric del vent e solelhat permet de cultivar aquela planta aromatica butant a l'estat salvatge.
La culhida se fa en julhet a lor apareisson. Las partidas utilizadas son las flors, las tijas e las fuèlhas.
Istòria Originari d'Euròpa, l'origan foguèt exportat a l'Orient Mejan. Es congut e reconegut pels pòbles de l'Antiquitat per son gost prononciat, e sas vertuts medicinalas.
L'origan èra reconegut per doas proprietats, son ròtle protector e coma filtre d'amor: "unas fuèlhas dins lo repas de l'éelegit de son còr"Viviane Carlier, Herbier médicinal.
Cosina
Se trapa l'origan dins la cosina portuguesa e la cosina italiana.
L'origan es fòrça apreciat dins las salças a las tomatas e se marida plan amb lo balicòt, la frigola, etc.
Proprietats principalas L'origan, coma la majorana o la frigola, a de proprietats antisepticas.
Es utilizat coma eles, mas de biais mai anecdotic, en infusion dins los cases de raumàs o de gripa, e per estimular la digestion.
Permet de lutar contra las marridas bacterias e las mycotas, e es utilizat per solaçar las dolors dugudas ala rumatismes e als problèmas de pèl.
L'òli essenciala d'origan conten de Carvacròl e es reputada èsser un antiseptic plan poderós, recomandada per tot tipe de raumàs o gripa; es tanben un remèdi contra las dolors espasmodicas, la fatiga e l'ància. Tanben, en banhs.
En agricultura biologica, una maceradion d'origan permet de lutar contra la coca Curculio nucum e d'autres curculionidaehttp://www.saine-alimentation.com/2010/07/24/lorigan/.
Nòtas e referéncias
Vejatz tanben
Ligams extèrnes Referéncia Belles fleurs de France 2 : Origanum vulgare Referéncia Flora of China : Origanum vulgare Referéncia Catalogue of Life : Origanum vulgare ) Referéncia ITIS : Origanum vulgare L. Referéncia NCBI : Origanum vulgare Origanum vulgare L.] Referéncia Tela Botanica (France métro) : Origanum vulgare L.
Categoria:Flòra (nom scientific) Categoria:Lamiaceae Categoria:Planta condimentària Categoria:Planta mellifèra