Siula es una ribèira dau nòrd dau Massís Centrau, que pren sa la fònt a 1093 mètres, a proximitat dau lac de Cervèira dins le massís daus Monts Dòr. S'escola d'en promèir vèrs le nòrd puèi vèrs le nòrd-èst a partir de Pont de Menat (près dau vialatge de vèrs Menat, davant Ebruelh). A una lonjor de 150 quilomètres (90 quilomètres dins le Puèi de Doma e 60 quilomètres dins le departament d'Alèir). La majora partida de son cors se situa dins la region de Combralha. Es un afluent d'Alèir que rejonh vèrs La Ferté-Hauterive (nautor ; 219 mètres), au nòrd-èst de vèrs Sant Porçan de Siula.
Idronimia La ribèira se ditz [ˈʃawlɔ]Bouillet, J.-B., Album Auvergnat, Molins, 1853, p.116. o [ˈʃɔlɒ]Albèrt Dauzat, Carnets d'enquèsta per la preparacion de l'Atlàs Lingüistic de l'Auvèrnha e dau Lemosin, enquèsta realizada en setembre 1954 vèrs Pontgibaud. (document inedit). dins los parlars occitans dau Puèi de Doma e [sjawl]Grobost, H., Grobost, R.-M., Guérin, M., Contes et histoires en parler de Naves (Allier), 2020, p.20. dins le parlar creissentés de vèrs Navas. Aquel tèrme reven bravament sovent dins los tèxtes de l'escrivan Beneset Vidal que sortiá de vèrs PontgibaudJoan Ros, Huit siècles de littérature occitane en Auvergne et Velay, Lion, EMCC, 2015.. Dins son roman Joan Combralha, aquela ribèira a una plaça bravament importanta.
Categoria:Aiga d'Alèir Categoria:Aiga dau Puèi de Doma fr:Sioule