Los indoescitas fuguèron un pòble nomada que s'installèt en Afganistan, especialament en Bactriana vèrs 140 abC, puèi conquistèt una part del nòrd d'Índia.

Nom e Origina thumb|left|Guerrièrs possiblament escitas (Placas d'Orlat, Ozbequistan, sègle I apC) Lo nom d'indoescita es donat als escitas qu'imigrèron dins lo mond indian. Los tèrmes escita e saka son sinonims. Escita èra utilizat per los grècs, mentre que saka èra lo nom donat per los aquemenidas per de nomadas iranians que vivián en Asia Centrala e al nòrd del Pont Euxin.

La migracion dels escitas vèrs lo Sud es ligada a aquela dels yuezhiSenior 2005.. Los yuezhi vivián dins las Regions de l'Oèst, nom donat par los chineses a de regions sovent pobladas de nomads. Vèrs 177 abC, los xiongnu desfaguèron los yuezhi que fugiguèron en Asia Centrala. Lor migracion butèt davant els los escitas que prenguèron tamben lo camin del Sud. En 129 abC, los yuezhi envasiguèron BactrianaBracey n.d., The Chinese and the Yu-Chi..

Vèrs 140 abC, los escitas dintrèron dins lo sud d'Afganistan e s'establiguèron dins lo Sakastan « lo país dels sakas », un nom que mudèt en Seïstan, per venir l'actual SistanWitzel 2003, p. 95..

Segon las fonts chinesas, los escitas, menats per Maues, seguèron una rota mai a l'èst, a travèrs lo Pamir e la valada de Gilgit, per arribar en Cashmir.

Istòria en Índia Reialme indoescita Vèrs 120 abC, Maues fondèt lo reialme indoescita que conquistèt de territòris dins lo nòrd d'Índia, subretot en eliminant los reialmes grecoindians.

Satrapas occidentals Segon la tradicion jaïna, un autre grop de sakas venguts del sud d'Afganistan, envasiguèron lo Sindh, puèi lo Gujarat e lo Rajasthan dusqua Deccan e Concan. Son coneguts jos lo nom de satrapas occidentals o kshatrapaWitzel 2003, p. 96..

Referéncias

Fonts R. C. Senior, 2005, Indo-Scythian Dynasty, Encyclopaedia Iranica, V:5, p. 485-487, available online at (accessed on 20 May 2020). Michael Witzel, 2003, Das alte Indien, C. H. Beck Wissen, Munic, Verlag C. H. Beck.

Categoria:Pòble ancian Categoria:Istòria del mond indian Categoria:Bactriana