Mondino dei Luzzi, conegut tanben coma Raimondo de prenom,Coma lor aparéncia, Mondino e Raimondo son aparentats a Mondin e Raimond en occitan. e de' Liuzzi, de' Liucci, ò de' Lucci de patronime; dich Mundinus (1275, Bolonha - 1326, Bolonha) foguèt un mètge italian de la premiera partida dau sègle XIV. Participèt au desvolopament de la medecina a la fin de l'Edat Mejana amb sei recèrcas sus l'anatomia umana.
Estudiant de l'Universitat de Bolonha, foguèt diplomat mètge vèrs 1290 après aver seguit l'ensenhament de professors prestigiós coma Taddeo Alderotti (1206/1215 - 1295) ò Henri de Mondeville (1260-1320). Demorat dins l'universitat, i venguèt conferencier dins lei domenis de la medecina practica e de la cirurgia en 1306 e professor en 1321.
Especialista de l'anatomia, es conegut per sa reintroduccion d'aqueu metòde de recèrca qu'èra plus utilizat en Euròpa dempuei l'Antiquitat. Organizèt ansin plusors disseccions publicas a partir de 1315 e redigiguèt un obratge sus lo subjècte en 1316 per ne'n explicar leis aspècts practics. En parallèl d'aqueleis activitats, foguèt tanben diplomata e participèt au govèrn de Bolonha.
Liames intèrnes
Anatomia.
Bibliografia
Nòtas e referéncias
Categoria:Anatomista italian Categoria:Mètge italian Categoria:Cirurgian italian Categoria:Diplomata italian Categoria:Universitat de Bolonha Categoria:Naissença en 1275 Categoria:Naissença a Bolonha Categoria:Decès en 1326 Categoria:Decès a Bolonha