Lo fulminat de mercuri (II) es un compausat organomercuriau de formula generala Hg(CNO)2. Descubèrt en 1788 per Claude-Louis Berthollet (1748-1822), es un solid blanc-gris pauc soluble dins l'aiga qu'a de proprietats explosivas. Fòrça sensible, sa manipulacion es perilhosa e es tanben un produch toxic en causa de la preséncia de saus de mercuri.
Es sintetizat gràcias a una reaccion quimica entre lo mercuri e l'acid nitric : Hg + 4 HNO3 → Hg(NO3)2 + 2 NO2 + 2 H2O Après dissolucion complèta dau metau, la solucion de nitrat mercuric es mesclada amb una solucion d'etanòl segon una reaccion exotermica que mena a la precipitacion dau fulminat de mercuri : Hg(NO3)2 + CH3-CH2-OH → -O-N+≡C-Hg-C≡N+-O- + 3 H2O + O2
A partir deis ans 1830, lo fulminat de mercuri foguèt utilizat per fabricar d'amòrsas de municions e d'obús. Pasmens, foguèt pauc a pauc remplaçat après la Segonda Guèrra Mondiala per de compausats mens toxics e pus estables.
Liames intèrnes
Explosiu. Mercuri. Municion.
Bibliografia
Nòtas e referéncias
Categoria:Organometallic Categoria:Organomercuriau