right|200px|thumb|Måneskin en 2018, Ethan Torchio, Victoria De Angelis, Damiano David e Thomas Raggi Måneskin (que significa "Clar de Luna" en danés) es un grop de ròck italian format a Roma en 2016.
Måneskin es compausat de Damiano David al cant, de Victoria De Angelis a la bassa, de Thomas Raggi a la guitarra e dEthan Torchio a la batariá. Victoria De Angelis a d'originas danesas : es ela qu'a trobat l'idèa del nom Måneskin pel grop.
An ganhat en notorietat en Itàlia en participant ambe succès a de concorses musicals, en particular a la television au X Factor italian, concors qu'an acabat segond en 2017. Lo 7 de març de 2021, an ganhat la 71na edicion del Festenal de Sant Rémolhttps://eurovision-quotidien.com/sanremo-2021-victoire-de-maneskin/.
An sustot ganhat lo mitic Festival de la Cançon d'Eurovision en 2021 ambe lor títol ròck italian Zitti e buoni en representent Itàlia. Ja coneguts dins lor país d'origina, aquela victòria a n'aquel concors lor balha una bona visibilitat a l'escala internacionala e son aital estats classats dins los hit-paradas d'autres païses : aital, en 2021, Måneskin ven lo primièr grop italian a aténher lo tòp 10 del classament britanic amb lo single de Zitti e buoni, e la meteissa annada an classat tanben lo títol en anglés I Wanna Be Your Slave dins lo tòp 10 americanhttps://radio.callmefred.com/histoire_chanson/i-wanna-be-your-slave-maneskin-2/. Una version d'aquela cançon tirada de lor segond album (Teatro d'ira: Vol. I) es tanben estada enregistrada en duò ambe Iggy Pop. E lo 6 de novembre de 2021, montèron sus l'empont en primièra part dels Rolling Stones a Las Vegas (Estats Units).
Discografia 2018 : Il ballo della vita 2021 : Teatro d'ira: Vol. I 2023 : Rush!Cançons mai conegudas Zitti e buoni (2021) I Wanna Be Your Slave (2021, ambe Iggy Pop) Beggin (2021, represa de The Four Seasons) The Loneliest (2022) Valentine (2023)
Referéncias
Categoria:Grop de rock italian Categoria:Grop de musica dels ans 2020 Categoria:Grop de musica italian Categoria:Grop de rock