thumb|right|Retrach de Cavendish publicat en 1851.
Henry Cavendish (10 d'octòbre de 1731, Niça - 24 de febrier de 1810, Londres) es un quimista e fisician anglés de la fin dau sègle XVIII e dau començament dau sègle XIX. Considerat coma un teorician e un experimentator abil, es una figura importanta de l'istòria de la quimia e l'autor de mai d'una descubèrta importanta.
Eissit d'una familha de l'aristocracia auta, demorèt celibatari a Londres ont installèt un laboratòri. En 1773, recebèt un eiretatge important que li permetèt de finançar sei recèrcas. S'interessèt a de questions variadas en quimia e en fisica. En quimia, isolèt lo diidrogèn e establiguèt sa natura de gas diferent de l'aire en 1765(fr) Pierre de Menten, Dictionnaire de chimie. Une approche étymologique et historique, De Boeck Supérieur, 2013, p. 167.. Puei, realizèt la premiera analisi precisa de l'aire en 1783, la premiera de sintèsi de l'aiga (1784) e la premiera combinason entre d'azòt e d'oxigèn (1785). En revènge, demorèt lòngtemps un partisan de la teoria dau flogistic e emetèt de resèrvas importantas sus la teoria de Lavoisier.
En fisica, creèt l'electrostatica quantitativa amb Charles-Augustin Coulomb (1736-1806). En particular, demostrèt que l'accion electrica es nulla a l'interior d'un conductor cargat, introduguèt la nocion de potenciau e supausèt l'existéncia de la resisténcia electrica. S'interessèt tanben ai nocions de calor especifica e de calor latenta definidas per Joseph Black (1728-1799). A partir de la teoria dei gas, estudièt l'electricitat e identifiquèt de fenomèns coma l'attraccion e la repulsion entre lei particulas electricas. De mai, sa representacion de basa dau fluid electric (un gas comprimit dins un recipient) èra largament erronèa. Aquò entraïnèt de problemas entre seis experiéncias e sei teorias, çò que l'empachèt de publicar un important tractat sus l'electricitat en preparacion dins leis ans 1770. Enfin, en 1798, calculèt la densitat de la Tèrra e trobèt un resultat de 5,48 qu'es relativament pròche de la valor actuala (5,52). Per aquò, utilizèt una balança de torsion.
Liames intèrnes Aire. Combustion. Electrostatica. Fisica. Idrogèn. Quimia.
Bibliografia
(en) Christa Jungnickel e Russell McCormmach, Cavendish: The Experimental Life, Bucknell University Press, 1999, 814 p.
Nòtas e referéncias