thumb|right|Fotografia de covellina (Estats Units)
La covellina (sinonims breithauptita, cantonita, covellita, covellinita, covellonita) es un minerau de color blau indi dab traças iridescentas. D'ua duretat de 1,5 a 2 e d'ua densitat compresa entre 4,60 e 4,76, es compausat de sulfur de coire (CuS). Forma cristalhs lamellars sovent amassats en forma de ròsa o massas compactas microcristallinas. Lo son esclat es submetallic o rosinós, es solubla dens l'acid cloridric e n'es pas fluorescenta. Son punt de fusion es baish e la covellina hon aisidament en liberant vapors d'anidride sulfurós.
Geologicament, se tròba principaument dens veas idrotermaus. Es generaument associada dab la pirita, la calcopirita e la bornita. Los critalhs mei coneishuts venen deus Estats Units, de Bolívia, de Chile e d'Itàlia. En Occitània, de jaç se tròban a Paulinet en Tarn(fr) Roland Pierrot, Paul Picot, Jean-Pol Fortuné e Francis Tollon, Inventaire minéralogique de la France, vol. 6 : Tarn, Éditions du BRGM, 1976.. La covellina es espleitada tà produsir de coire.
Ligams intèrnes
Bibliografia
(fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.
Notas e référencias
Categoria:Minerau