thumb|right|Luigi Cadorna en 1917.
Luigi Cadorna (4 de setembre de 1850, Pallanza - 21 de decembre de 1928, Bordighera) es un generau italian de la Premiera Guèrra Mondiala. En particular, foguèt cargat de tornar organizar l'armada italiana avans lo conflicte e comandèt leis operacions sus lo frònt austroitalian fins au desastre de Caporetto en octòbre-novembre de 1917. Aguent ben complit sa mission de reorganizacion, dispausava de tropas importantas, mai son estil de comandament èra pauc adaptat a la realitat de la guèrra modèrna e a una armada austriana experimentada.
D'efiech, Cadorna s'interessèt pauc ais evolucions de la guèrra dempuei 1914 e contunièt d'afiermar la superioritat de l'ataca frontala. De mai, per mantenir lo morau necessari a aqueleis atacas, instaurèt de penas disciplinàrias fòrça duras còntra lei soudats jutjats desfachistas (execucions individualas, decimacions deis unitats, etc.). Enfin, èra partisan de la defensa estatica dei posicions. Aquò menèt a plusors ofensivas saunosas còntra lei linhas austrianas establidas lòng dau fluvi Isonzo e permetèt ais Alemands de rompre lei defensas italianas a la batalha de Caporetto. Cadorna foguèt alora remplaçat per Armando Diaz.
Après la guèrra, Benito Mussolini lo nomèt manescau d'Itàlia e Cadorna foguèt totalament reabilitat. Pasmens, refusèt de sostenir lo movement faissista.
Liames intèrnes
Caporetto (batalha de). Isonzo (batalhas d').
Bibliografia
(fr) Pierre Renouvin, La Crise européenne et la Première Guerre mondiale, París, Presses universitaires de France, coll. « Peuples et civilisations » (n° 19), 1962, 779 p. (fr) Max Schiavon, L'Autriche-Hongrie la Première Guerre mondiale : La fin d'un empire, París, Éditions SOTECA, 14-18 Éditions, coll. « Les Nations dans la Grande Guerre », 2011, 298 p.
Nòtas e referéncias
Categoria:Generau de la Premiera Guèrra Mondiala