Umbèrt II d'Itàlia, nomenat lo «Rei de Mai» (en italian: Umberto Nicola Tommaso Giovanni Maria di Savoia; 15 de setembre de 1904 – 18 de març de 1983), foguèt lo darrièr rei d'Itàlia del 9 de mai de 1946 fins a la proclamacion de la Republica lo 12 de junh de 1946.
Originas familiaras
Nasquèt lo 15 de setembre de 1904 dins la vila de Racconigi, situada uèi dins la província de Cuneo, filh del rei Victor Manuel III d’Itàlia e de la princessa Elena de Montenegro. Èra lo felen per linha paterna del rei Umbert I d’Itàlia e de la princessa Margarida de Savòia-Gènoa, e per linha mairala del rei Nicolau I de Montenegro e de Milena Vukotić.
Maridatge e descendéncia
Maridèt lo 8 de genièr de 1904 la princessa Maria Josèpa de Belgica, filha del rei Albèrt I de Belgia e la duquessa Elisabèt de Bavièra. Aguèron quatres filhs:
S.A.R. la princessa Maria Pia d’Itàlia, nascuda a Nàpols en 1934. Se maridèt a Estoril en 1955 amb lo prince Alexandre de Iogoslàvia, del qual divorcièt en 1966. Tornèt se maridar en Florida amb lo prince Miquèl de Borbon-Parma. S.A.R. lo prince Victor Manuel d’Itàlia, nascut a Nàpols en 1937. Se maridèt en 1971 a Teheran amb Marina Doria. S.A.R. la princessa Maria Gabrièla d’Itàlia, nascuda a Nàpols en 1940. Se maridèt a Èze-sur-Mer en 1969 amb l’aristocrata ongresp Robert Zellinger de Balkan, del qual divorcièt en 1990. S.A.R. la princessa Maria Beatritz d’Itàlia, nascuda a Roma en 1943. Se maridèt en 1971 amb lo mexican Luis Reyna Corvalán, que foguèt assassinat en 1999 a Cuernavaca.
Referéncias
Categoria:Naissença en 1904 Categoria:Naissença en Piemont Categoria:Decès en 1983 Categoria:Decès a Genèva Categoria:Rei d'Itàlia