Múte Inequnaaluk Bourup Egede (prononciat /mut͡sːi inɜquˈnaːluk ˈpou̯ʁɔp ˈeːəðə/ - Nuuk, 11 de març de 1987)Múte Bourup Egede es un òme politic groenlandés. Membre de l'Inatsisartut, lo parlament de Groenlàndia, dempuèi 2015 e president del partit Inuit Ataqatigiit dempuèi 2018, es Primièr ministre de Groenlàndia dempuèi lo 23 d'abril de 2021.
Biografía Egede es nascut a Nuuk mas a crescut a Narsaq, dins lo sud de Groenlàndia. Acabèt sos estudis segondaris a Qaqortoq abans de començar en 2007 d’estudis d'istòria culturala e sociala a l'Universitat de Groenlàndia. Entre 2011 e 2012, foguèt vicepresident de KISAQ, la societat universitària dels estudiants groenlandeses. A pas acabat sos estudis, perque los abandonèt en 2013 per reprene una entrepresa familiala de pastura dirigida per son paire.Múte B. Egede er ny IA-formandEn alvorlig, ung mand står til at blive Grønlands yngste regeringsleder
Carrièra politica En 2007, Múte Bourup Egede ven membre del parlament de la joventut groenlandesa, l'Inuusuttut Inatsisartui, e de 2013 a 2015, foguèt president de l'Inuusuttut Ataqatigiit, las joventuts de l'Inuit Ataqatigiit.
A las eleccions legislativas danesas de 2015, Múte Bourup Egede es candidat al Folketing per Inuit Ataqatigiit.Múte B. Egede stiller op til Folketingsvalget Recep 2.131 vòtes, çò qu'es pas sufisent per èsser elegit.Folketingsvalg 2015
Entre 2016 e 2018, Egede es Ministre de las matèrias primièras e del mercat del trabalh, ont es simultanèament, pendent tres meses en 2017, Ministre per interim de las comunas, dels masatges, dels quartièrs periferics, de l'infrastructura e del lotjament.
Lo 1èr de decembre de 2018, es elegit president d'Inuit Ataqatigiit, partit politic socialista democratic, succedissent a Sara Olsvig. En fasa amb la linha de son partit, Egede es un defensor de l'independéncia de Groenlàndia.
A las eleccions legislativas groenlandesas de 2021, mena sa formacion politica que ven, amb 36,6 % de las voses, lo mai grand partit al parlament. Amb 3 380 voses, Egede es lo candidat qu'obten lo mai de vòtes personals a las eleccions, amb mai de 1 500 voses en mai que lo Primièr ministre en exercici Kim Kielsen del Siumut.Múte B. Egede er den største stemmesluger, og Kielsen halser efter Lo 16 d'abril de 2021, IA anóncia aver format amb Naleraq una coalicion que deten 16 sètis sus 31 al parlament. Atassut, que deten dos sètis, desira pas dintrar dins una coalicion prò-independéncia mas decidís de li portar son sosten. Lo 23 d'abril, Egede es confirmat pel parlament e ven lo mai jove Primièr ministre de l’istòria de Groenlàndia.Múte Egede er ny formand for Naalakkersuisut
Lo 23 de setembre seguent, recep la medalha d'aur de l'Òrdre Groenlandés del Meriti Nersornaat.Nersornaat 2010-miit
Referéncias
Categoria:Groenlàndia Categoria:Personalitat politica danesa Categoria:Naissença en 1987