200px|thumb|right|Alice Belaïdi en 2014
Alice Belaïdi, nascuda lo 18 de març de 1987 a Nimes (Occitània), es una actritz occitana francofòna d'origina argeriana per son paire.
Biografia
Alice Belaïdi comença lo teatre mentre qu'a mai o mens 12 ans. De 1999 a 2003, frequenta los talhièrs de practica teatrala del teatre del Chêne Noir a Avinhon ont es escolana de Raymond Vinciguerra. Tre sa primièra annada, Gérard Gelères, lo director del teatre del Chêne Noir, la remarca. A partir de 2003, Alice Belaïdi encadena los ròtles dins de multiplas pèças de teatre. Empòrta lo Molière de la revelacion femenina per la pèça Confidences à Allah en 2010.
En 2011, apareis pel primièr còp al cinèma, primièr dins una comèdia a pichon budgèt virada en banlèga parisenca, nommada De l'huile sur le feu, puèi dins la comèdia dramatica Les Tribulations d'une caissière, realizada per Pierre Rambaldi.
Los dos films an pas de succès : es a la television francesa que l'actritz se fa vertadièrament conéisser, vist qu'a partir d'abril de 2012, sus la cadena Canal+, forma ambe Clémence Faure un tandèm d'estandardistas provocairas e irreverenciosas dins la seria de scenetas WorkinGirls.
En 2024, ganha encara en popularitat en França gràcias a son ròtle d'Alice dins la comèdia populara Un p'tit truc en plus del realizator e umorista Artus, vist qu'es la mai gròssa capitada del cinèma francés non solament de 2024 mas tanben de las dètz darrièras annadas.
Filmografia Annadas 2010 2011 : De l'huile sur le feu de Nicolas Benamou 2011 : Les Tribulations d'une caissière de Pierre Rambaldi 2012 : Fleurs du mal de David Dusa 2012 : L'Oiseau d'Yves Caumon 2012 : Radiostars de Romain Levy 2012 : Les Kaïra de Franck Gastambide 2013 : Hôtel Normandy de Charles Nemes 2013 : L'Art de la fugue de Brice Cauvin 2013 : Fonzy d'Isabelle Doval 2014 : Sous les jupes des filles d'Audrey Dana 2014 : Maestro de Léa Fazer 2015 : Les Gorilles de Tristan Aurouet 2016 : La Taularde d'Audrey Estrougo 2016 : Un petit boulot de Pascal Chaumeil 2016 : Père fils thérapie ! d'Emile Gaudreault 2017 : L'Ascension de Ludovic Bernard 2017 : Si j'étais un homme d'Audrey Dana 2018 : La Monnaie de leur pièce d'Anne Le Ny 2018 : Budapest de Xavier Gens 2019 : Victor et Célia de Pierre Jolivet
Annadas 2020 2020 : Terrible Jungle d'Hugo Bénamozig e David Caviglioli 2021 : Hommes au bord de la crise de nerfs d'Audrey Dana 2022 : Le Nouveau Jouet de James Huth 2022 : Classico de Nathanaël Guedj e Adrien Piquet-Gauthier 2023 : La Plus Belle pour aller danser de Victoria Bedos 2023 : Drone Games d'Olivier Abbou 2024 : Un p'tit truc en plus d'Artus 2024 : Le Fil de Daniel Auteuil
Categoria:Actritz francesa Categoria:Naissença en 1987 Categoria:Naissença a Nimes