thumb|right|Obligacion emesa per la companhiá en 1883.
La Companhiá Universala dau Canau Interoceanic de Panamà es una companhiá francesa creada en 1880 per Ferdinand de Lesseps (1805-1894) per construrre e esplechar lo canau de Panamà. Entre 1882 e 1888, emetèt sèt ensembles d'obligacions per finançar lei trabalhs estimats a 600 milions de francs. Pasmens, en 1888, la companhiá aviá despensat 1,3 miliards e lo projècte, mau preparat, èra pas acabat. La falhida foguèt prononciada e entraïnèt l'escàndol de Panamà, un afaire de corrupcion revelant que plusors engenhaires e òmes politics avián acceptat d'escondre lei dificultats de la construccion en cambi de servicis ò de sòus. Après aquela revirada, lei Francés abandonèron sei drechs sus la concession en 1903 amb la signatura dau tractat Hay-Bunau-Varilla.
Liames intèrnes
Canau de Panamà. Escàndol de Panamà.
Bibliografia
(fr) Jean Bouvier, Les deux scandales de Panama, París, Gallimard-Julliard, coll. « Archives », 1964. (fr) Jean Garrigues, Les Scandales de la République : de Panama à l'affaire Elf, París, Robert Laffont, 2004.
Nòtas e referéncias