thumb|right|Auguste Gervais en 1917.
Auguste Gervais (6 de decembre de 1856, París - 30 d'aost de 1917, París) es un jornalista e òme politic francés de la fin dau segle XIX e dau començament dau segle XX. Especializat dins las questions militaras e colonialas, collaborèt amb plusors jornaus importants coma lo National, lo Petit Journal, lo Matin e l’Aurore. Foguèt pereu lo chef de gabinet dau generau Jean Thibaudin, ministre de la Guerra en 1883, deputat de 1898 a 1909 e senator de 1909 a 1917. Fasiá partia dels parlamentaris radicaus.
Es mai que mai conegut per èsser l'autor de l'article a l'origina de l'Afaire dau 15 còrs. D'efiech, a la demanda dau ministre de la Guerra Adolphe Messimy, publiquèt un article accusant a tòrt los soudats provençaus dau 15 còrs d'armaa de coardisa durant los combats en Lorena. Aquò entraïnèt l'execucion per l'exemple de dos soudats, Auguste Odde e Joseph Tomasini, e los òmes dau 15 còrs foguèron victimas de discriminacions dinque a la fin dau conflicte. L'escande suscitèt una viva emocion en Occitània e Gervais foguèt larjament descreditat.
Ligams internes
Afaire dau 15 còrs.
Bibliografia
(fr) J. Y. Le Naour, La légende noire des soldats du midi, Éditions Vendémiaire, 2013. (fr) André Payan-Passeron, La bataille de Lorraine d'août et septembre 1914 : analyse stratégique et détaillée, París, Éditions L'Harmattan, decembre de 2021, 424 p.
Nòtas e referéncias