thumb|right|August von Mackensen entre lo 1914 e lo 1915.
August von Mackensen (6 de decembre dau 1849, Haus Leipnitz - 8 de novembre dau 1945, Burghorn) es un marescau alemand de la Promiera Guèrra Mondiala.
Oficier de cavalaria durant la guèrra de 1870, trabalhèt emb Alfred von Schlieffen (1833-1913) pendent lu ans 1890-1900. Au començament de la Promiera Guèrra Mondiala, èra comandant dau 11 còrs d'armada e participèt ai combats sus lo front rus. En lo 1915, venguèt marescau e cap de la 11 armada, en carga dei operacions en Serbia (1915), en Romania (1916) e dins lu Balcans (1916-1918). Totun, en lo 1918, li sieui fòrças foguèron batudi per li armadas aliadi dau generau Franchet d'Espèrey. Totun, li fòrças alemandi s'afondrèron dins la region e Mackensen foguèt capturat per lu Francés en octòbre dau 1918.
Après la guèrra, demorèt un partisan de la monarquia, mas sostenguèt finda la politica de revision dau tractat de Versalhas menada per Hitler e participèt a la propaganda dau regime. Totun, s'opausèt ai persecucions còntra lu protestants e ai tuarias de massa en Polonha.
Ligams intèrnes
Front dei Balcans. Promiera Guèrra Mondiala.
Bibliografia
(fr) Max Schiavon, Le front d'Orient. Du désastre des Dardanelles à la victoire finale 1915-1918, Tallandier, 2014.
Nòtas e referéncias
Categoria:Generau de la Premiera Guèrra Mondiala