thumb|right|Manuscrit dau segle XV mostrant dos combatents armats d'un messer e d'una targa.
Un messer es una arma de la fin de l'Edat Mejana e de la Renaissença. Aparentat a un sabre o a un coteu de granda talha, aviá generalament una lama drecha de 45 a 90 cm e se teniá d'una man. La garda èra drecha e dotaa d'un esperon laterau destinat a protegir la man dau portaire. Lo messer foguèt fòrça utilizat entre los segles XIV e XVI dins l'espaci germanic per las populacions urbanas qu'avián pas lo drech de portar l'espasa, arma reservaa a la noblessa. De tropas de mercenaris l'adoptèron pereu. Pasmens, dins aqueu segond cas, existissián egalament de messers mai longs, amb una lama de 80 a 135 cm, que s'utilizavan amb doas mans. Mens frequents, èran en usatge dins de tropas professionalas coma los Lansquenets.
Ligams internes
Sabre.
Bibliografia
(en) Sydney Anglo, The Martial Arts of Renaissance Europe, Yale University Press, 2000, pp. 102-103.
Nòtas e referéncias