L'Albareda (Lalbarède en francés) es una anciana comuna lengadociana, situada dins lo departament de Tarn e la region d', ancianament de Miègjorn-Pirenèus. Dempuèi 2007, fa partida de la comuna de Guitalens e l'Albareda, ambe Guitalens (fusion simpla).
Geografia La ribièra d'Agot s'espandís mai que mai al nòrd. L'Albareda, situada al nòrd d'Agot, es una comuna de plana (140-150 m en general). Mas a Guitalens, los puèges començan a mens d'un km de l'aglomeracion. Separats per l'Agot, mas i a un pont, L'Albareda e Guitalens fòrman una sola aglomeracion sus la RD 112 (anciana RN 112) Montalban-Castras.
Toponimia Segon Dauzat, L'Albareda ven del bas latin albarus, « varietat de pibol, de fuèlhas blancas », e del sufixe collectiu -eta Albert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 8. S'agiriá doncas de Populus alba. Pr'aquò, J. Astor precisa que lo mot designa un lòc plantat de pibols blancs e subretot de sauses blancs [Salix alba] Jacques Astor, Dictionnaire des Noms de Familles et Noms de Lieux du Midi de la France, ed. du Beffroi, 2002, p. 70. Sembla que Dauzat aja confondut o benlèu evocat un usatge lingüistic regional. Cossí que siá, L'Albareda es un nom relativament recent e lo luòc èra pas parròquia a l'epòca de la diocèsi de Castras.
Istòria D'aquí a 1801, L'Albareda, alara un simple luòc, èra de la diocèsi de Castras (Guitalens èra de la diocèsi de La Vaur). Las doás comunas fusionèron lo 30 de setembre de 2007 (fusion simpla). Lo n° INSEE es lo de L'Albareda e l'ostal de comuna es tanben a L'Albareda, qu'èra çaquelà la comuna pus pichona. Guitalens a salvat lo seu nom en primièr e tanben lo seu còssol.
Administracion
Demografia
La populacion de las darrèras annadas es la de Guitalens e l'Albareda e la donada de 2007 es de mal explicar.
Lòcs e monuments Personalitats ligadas amb la comuna Veire tanben Ligams extèrnes Nòtas