Philippe Lhez qu'ei un aquarellista pirenenc, nascut eth 18 de genèr de 1953 a Tarba en Nauts Pirenèus. centrat|vinheta|321x321px|Fòto de Philippe Lhez a pintrar dens eth sué talhèr

Camin escolar vinheta|Aquarella de Philippe Lhez que representa eth Montfaucon Philippe Lhez qu'obtengó eth sué bachilhierat en 1973 ath licèu Victor Duruy a Banhèras de Bigòrra. Que perseguí un drin eths sués estudis ara Universitat Tolosa - Joan Jaurés, estudis de letras modèrnas, qu’auré aimat èster professor de francés, qu’aimava era literatura. Pera seguida que passè ua espròva entà èster animator socioculturau, que harà aquò pendent 15 ans.

Qu’aprengó era pintrura de faiçon autodidacta, qu’ei a díser shens nat professor en por 'mor a l’espòca era aquarella ne s’ensenhava pas en eth sué entorn. Ne vedèva pas era utilitat d’intrar aras Bèras Arts a on ensenhavan causas que ne l’interessavan pas.

Vita artistica Philippe Lhez qu’estó sasit pera beutat, era frescor, era transparéncia, era luminositat singulara d’imatges pintrats dab aquarellas dins un jornau aperat Illustration qu’eth sué pair avèva crompat a un mercat, e quan Philippe Lhez vedó eths imatges, que subic un tum estetic prigond.

Que’s consacrè vertadèrament ara pintrura a l’edat de 30 ans mes eras suas purmèras aquarellas qu'estón pintradas a l’edat de 14 ans. Donc que passè temps, mes entà eth, aqueth temps n'estó pas perdut puish que lo serví a formà's.

Qu’ei eth sué gost peths imatges que lo hasó pensar ath mestièr d’illustrator; maugrat criticas de personas, que’u calèva demostrar qu’èra plan un illustrator. Que pampè ara pòrta de Gallimard qui cercava un illustratror en arquitectura entà ua colleccion de guidas. E qu’ei aquò que l'a vertadièrament dat era sua reconeishença comma illustrator en çò de Gallimard, a 40 ans.

De mei, se uei pintra paisatges, n’estón pas briga eras suas purmèras inspiracions. A l’espòca qu’admirava Raoul Dufy, quan uei se'n desvira completament, e tanben s'inspirè dera òbra de Blanche Odin.

Recompensas Philippe Lhez n'a pas agut vertadèras recompensas a despart deth primèr prèmi deth concors d’aquarellas de Santa Maria de Campan. Mes aqueste aquarellista ne cèrca pas arreconeishença dab concorses. Entà eth, era sua vertadèra arreconeishença qu'ei era aquisicion, i a 20 ans, deth sué talhèr-galeria situat carrèra Victor Hugo a Banhèras de Bigòrra. Aquera aquisicion lo permetó d'expausar eras suas pintruras e de las véner. Que’u permetó de ne depéner pas d’autas personas entà expausar. Era causa que lo hasó drin gloriós qu’ei segurament era venguda deths sués parents ath sué talhèr-galeria e que vesossen eths sués acompliments.

A travèrs eras suas aquarellas qu'ensaja de transméter eras madeishas emocions que pòt arressentir, coma era doçor deth sué país (Nauts Pireneus) que tien a preservar e, mes que tot, a embalausir.

Òbras «De pierre et de bois et de main d’homme » paregut en 2010.

Tanben un arrecuèlh d'aquarellas « un aquarelliste dans les Pyrénées » en 2014.

« Calendrier Pyrénées 2018. Aquarelles de Philippe Lhez. »

« Aquarelle, de l’eau a l’œuvre 2019 »

« Agenda Pyrénées de Philippe Lhez » 2022.

Que hasó tanben aquarellas entà illustrar « Mémoire de terrain » 2023.

« Agenda Pyrénées de Philippe Lhez » 2023.

« Agenda Pyrénées de Philippe Lhez » 2024.

« Agenda Pyrénées de Philippe Lhez » 2025. esquèrra|vinheta|Aquarella de Philippe Lhez qu'arrepresenta era Horqueta d'Ancisan vinheta|Aquarella de Philippe Lhez qu'arrepresenta era primavèra en Bigòrra centrat|vinheta|Aquarella de Philippe Lhez qu'arrepresenta Esparròs